Pilolo

ADINA: 6 urtetik 10 urtera

JATORRIA: Ghana

IRAUPENA: 5-10 minutu

EGITURA: Librea

MATERIALA: Kronometroa eta hainbat harri

DESKRIBAPENA

Joko honetan lau jokalari behar dira eta jokalari bakoitzak bere zeregina izango du ezarrita. Hasteko, jokoa hasi aurretik harri kopuru bat zehaztu beharko da. Behin harri kopurua zehaztuta dagoenean, jolasten hasiko gara. Jokalari batek hostoetan bilduko du harri bakoitza eta ondoren, hondarretan sartuko ditu. Ezkutatu dituenean, beste jokalari batena joango da, zehazki, kronometroa duen jokalariarengana eta honi Pilolo esango dio. Gainontzeko jokalariak pilolo entzutean besteak ezkutatutako harrien bila hasten dira. Behin aurkitu dituztenean, bikote aldaketa bat egiten da eta denbora gutxien irauten duenak harrien bila jokoa irabazten du.

Jodo de Chamar

ADINA: 12 urtetik 16 urtera

JATORRIA: Cabo Verde

IRAUPENA: 2-3 minutu

EGITURA: Tente, biribil bat eginez.

MATERIALA: Kono bat eta klariona.

DESKRIBAPENA

Hasteko, lurrean biribil bat marraztu behar da. Ondoren, jokalariak biribil horren inguruan jarriko dira eskutik helduta. Epaile bat egongo da eta honek seinalea ematen duenean, jokalariak beraien ondoan dutena biribil barnera sartzen saiatu beharko dute. Behin jokalariak biribil barnera sartzen direnean jokotik at gelditzen dira. Bi jokalari bakarrik gelditzen direnean, beraien artean kono bat jartzen da. Azkenik, bi jokalari hauek eskua eman behar diote elkarri eta epaileak seinalea ematen duenean, bakoitza bere aurkaria bereganatu nahian hasiko da, alegia, irabazlearen helburua bere aurkariak konoa botatzea edo konoa zeharkatzean datza.

SASA KURU, euskaraz HABIA.

ADINA: 8 urtetik 12 urtera

JATORRIA: Burkina Faso

IRAUPENA: 2-3 minutu

EGITURA: Librea

MATERIALA: Ez da beharrezkoa

DESKRIBAPENA

Hasteko, hiruko taldeak osatzen dira. Ondoren, hirukotea osatzen duten kideen artean bizkarra eman behar diete elkarri eta besaurretatik lotu egin behar dira. Behin hori egin dutenean, hanka bat tolestu eta atzeraka eman beharko dute. Posizioa ulertu ez baldin bada, mesedez irudiari erreparatu. Behin egoera horretan daudela, 7 metroetara kokatuta dagoen helmugara iristea da helburua. Lehendabizi iristen denak irabaziko du. Azkenik, posizio horretan daudela, beraien gorputzak habi bat iruditzera iristen dira eta hortik dator jokoaren izena.

TXILA

ADINA: 8 urtetik 10 urtera

JATORRIA: Argelia

IRAUPENA: 10 minutu

EGITURA: Librea

MATERIALA: Zazpi pilota bigun.

DESKRIBAPENA

Hasteko, jokalariak bi taldetan banatzen dira. Talde bat harrapatzailea izango da eta bestea harrapatua izango dena. Harrapatzaileak eskutik helduta bikotezka jarriko dira eta bikote bakoitzak pilota bat izango du. Beste taldeak berriz, aske arituko dira. Harrapatzaileen helburua, besteak pilotareki ukitzean datza. Behin pilotarekin ukitu dutenean aurkaria, jokotik at geldituko da. Aske dabiltzan jokalari guztiak jokotik kanpo gelditzean jokoa amaitzen da.

HOUNDIDA

ADINA: 10 urtetik 16 urtera

JATORRIA: Benin

IRAUPENA: 10 minutu

EGITURA: Zutik, zirkulu baten barnean.

MATERIALA: Ez da beharrezkoa.

DESKRIBAPENA

Jokalari ia guztiak zirkuluaren barnean kokatzen dira, bat izan ezik. Zirkuluaren barnean ezin diete elkarri lagundu. Zirkulutik kanpo gelditu denaren helburua zirkulutik ahalik eta jokalari gehien ateratzean datza. Behin jokalari guztiak atera dituenean, beste jokalari bat hasten da. Jokoa bukatzen da jokalari guztiak zirkuluaren kanpoaldean dagoen jokalariaren postua betetakoan.

GODO

ADINA: 6 urtetik 10 urtera.

JATORRIA: Benin

IRAUPENA: 10 minutu

EGITURA: Librea

MATERIALA: Jokalari bakoitzak makil bat izango du eta bestetik uztail txiki bat beharko dugu.

DESKRIBAPENA

Jolas honetan ibiltzeko tokirik egokiena hondartza da. Eremu mugatu batean, jokalari batek uztail txiki bat ezkutatzen du lurrean eta gainontzeko jokalariak bizkarra ematen diote honek bere zeregina bukatu bitartean. Behin uztaila ezkutatuta dagoenean, gainontzeko jokalariak makila lurrean sartzen dute uztaila makilan sartzeko asmoarekin. Uztaila topatzen duenak irabazten du.

GADIDÉ

ADINA: 10 urtetik 16 urtera

JATORRIA: Benin

EGITURA: Bi hileratan, bata bestearen parean.

MATERIALA: Ez da beharrezkoa.

DESKRIBAPENA

Hasteko, jokalariak bi taldetan banatzen dira, hala nola, A taldea eta B taldea. Ondoren, bi lerro marrazten dira bata bestearen aurrean. Bi lerro hauen erdian biribil bat egiten da non biribil honen barnean A taldeko jokalari bat kokatzen da. Biribilaren inguruan beste taldeko, B taldeko, jokalari bat kokatzen da eta honen helburua biribil barnean kokatuta dagoen jokalaria biribiletik ateratzean datza. A taldeko jokalaria aldiz, biribilaren kanpoan kokatzen den jokalaria biribilean sartzea du helburu.

DOSU

JATORRIA: Benin

ADINA: 3 urtetik 8 urtera

EGITURA: Librea

MATERIALA: Plastikozko bost edalontzi edo bostyogurt ontzi eta eraztuna, txanpona edo harri txiki bat.

DESKRIBAPENA.

Hasteko, seiko taldeak egiten dira. Ondoren, talde bakoitzeko kide batek plastikozko edalontziak ondarrez betetzen ditu non horietako batean eraztuna ezkutatzen du. Behin bukatutakoan, gainontzeko jokalariak edalontzi bat hautatu behar dute eta eraztuna topatzen dutenak, hurrengoan eraztuna ezkutatzen arduratzen da.

“GATO COME O RATO”

KATUAK SAGUA JATEN DU.

JATORRIA: Angora

ADINA: 3 urtetik 8 urtera

IRAUPENA: 5 minutu.

EGITURA: Zutik.

MATERIALA: Ez da beharrezkoa.

DESKRIBAPENA

Partaideak eskutik helduta zirkulu bat sortzen dute. Partaidetako bat (sagua) zirkuluaren barnealdean kokatzen da eta beste partaide bat (katua) zirkuluaren kanpoaldean kokatzen da. Katuak ahalegindu behar du sagua jaten, zirkuluan sartuz. Baina gainontzeko partaideak, “Katuak sagua jaten du” esaldia esaten duten bitartean, sagua babestu behar dute katuari zirkuluaren barnean sartzen ez uzten.