Goienkaria 2010.10.15
@font-face {
font-family: “Cambria”;
}p.MsoNormal, li.MsoNormal, div.MsoNormal { margin: 0cm 0cm 10pt; font-size: 12pt; font-family: “Times New Roman”; }div.Section1 { page: Section1; }
Pilarika egunean ospatzen dute espainiarrek
beren aberri eguna, asteon izan da aurtengoa. Eta iruditu zait auzo-lotsa
eragiteko moduan ospatu dutela. Nornahi nonnahi ikusi dugu piperpotoarekin, eta
telebista saio kutre horietako batean desfile modukoa ere antolatu zuten
bandera artean. Zer ez ote zuketeen esango gure telebistan beste horrenbeste
egin izan balitz ikurriña artean?
Ze gurean abertzaletasuna uler daiteke helburu
politiko batzuk urrun dauden heinean. Joan Fuster valentziarrak bezala
‘nazionalismoa, juxtukoa’ nahi nuke nik ere, ukazioari aurre egiteko bestekoa.
Baina espainiarrek ez lukete behar horrelakorik, ez bada haiek ere ukazioa
sentitzen ari direla. Horregatik ote
udatik honako piperpotoaren berpizkundea?
