Goiena papera 2010.11.12
@font-face {
font-family: “Cambria”;
}p.MsoNormal, li.MsoNormal, div.MsoNormal { margin: 0cm 0cm 10pt; font-size: 12pt; font-family: “Times New Roman”; }div.Section1 { page: Section1; }
Ostegunean ospatu genuen Arrasateko Amaia
antzokian GOIENA kooperatibaren lehen hamarkada. Atzera begirakoan lorpen asko
nabari dira, baina handiena seguruenik izango da komunikazio taldearen sorrera
bera, bederatzi herri -eta beste hainbeste udal eta euskara elkarte- ados
jarrita, bakoitzak berea gurdi komunean kargatu eta denok batera gurdi berari
bultza egiteko. Tartean nintzelako erantsi dezaket bateratze prozesu guztian ez
genuela bozketa bakar bat ere behar izan, adostasuna eraikitzen hain bihurtu
ginen trebe, bidea egin ahala.
Sendo jaio zenak hala dirau. Eta hamar urteak
betetzean, sendo demonio eta oso heldu agertu da GOIENA. Horrelakoetan ohikoak
diren birdiseinu eta gaztetze lanez aparte urrats estrategikoak iragarri ditu,
hala nola egoitza bateratu propioa, Debagoienaz gaindi aritzeko asmoa, edota
Unibertsitatearekin uztartzekoa.
Sortze garaian ahalegina egin genuen GOIENAren
eredua hedatzeko, euskal tribuaren biziraupenerako tresna baliotsua zela
sinetsita. Bidean aurrera, gurdiari bigarren kolpea emateko ordua iritsi da. Ea
ba, denok batera… ieup!
