Oraindik hilabete falta da botoa
emateko. Baina dagoeneko badakigu: ez dira aukera guztiak eskura
egongo. Estatuen makinak oso ahaltsuak dira eta, behin norabidea
hartuta, samur zapaltzen dute parean tokatzen den oro. Polizia eta
epaileak elkar hartuta jartzen direnean, legeak, agintea eta iritzi
publikoa alde dituztela, ez dago ez arrazoi eta ez eskubide. Iñigo
Iruini entzun diot asteon: ‘Erabakiak hartuta daude, formalidadeak
betetzea besterik ez da gelditzen’.
Tenplez jokatu zalea naiz, gogoko dut
gaien alde biak kontuan hartzea, saiatzen naiz begibakar ez izaten.
Baina egoera honetan Patxikontra hasi zait esnatzen barruan, haserrea
argi erakusteko gomendioarekin, aukera dagoenean. Eta ez dakit,
hilabete falta da botoa emateko…
Aupa Mikel:
Haserre baina tenplez, ez da aldarterik txarrena egoerari aurre egiteko.
AurreraMarik eskertuko dau Patxikontraren ahalegina. Bietatik beharko dogu.
Ni hirekin ados. Pasatuko zioat enkargua Patxikontrari.