Europar Batasuna sei estatuk sortu
zuten, eta 80. hamarkadan bazituen hamabi kide, tartean espainiar
estatua. Ordukoa da Euskadi 13. kidea izango zenaren iragarpena,
superstizioaren aurrean bulartsu ageri zen herriarena. Bi autonomien
ondoren, estatua lortu eta Europan sartu. Harrapazak!
Ordutik honako hogei urte inguruan,
Europan hamasei estatu berri sortu dira eta Batasuna iritsi da
hogeita zazpi kideetara. Eta Euskadi –edo dena delakoa- ez dago
tartean. Horrenbeste tren galdu arren, gure politikari
independentistek jarraitzen dute ‘hurrena gu, hurrena gu!’
iragartzen, loteria kontu sinple bat bailitzan. Hau da, Europak eta
munduak balizko euskal estatua onar dezaten, aurrez etxeko-lan mordoa
egin beharrik ez balego bezala.
