Goienkaria, 2007.11.09
Ibarretxe lehendakariaren auzipetzeari
eman zaio garrantzia, eta ulertzen dut. Ibarretxe epaituta
Batasunarekin biltzeagatik, komunitate baten ordezkari nagusia
aulkian eseraraziko dute bere eginkizun politikoari dagokion
gertakari batengatik. Pentsatzekoa da horrek nolako eraso sentimendua
piztuko duen gure artean, nolako elkartasun botoa ekar dakiokeen
auzipetuari.
Niri, ordea, Lopez aulkian ikustea
iruditzen zait esanguratsuago. Espainiako alderdi sozialista, artean
oposizioan zegoela, legea bortxatzeko ariketan hasi zenean gobernu
popularrarekin asmakizun arriskutsuetan, onartuko zuketen Ibarretxe
epaitzeraino iristea. Baina Lopez bera kolpatzea gehiegi da haientzat
ere, imajinatzen dut argi gorriren bat piztuko zitzaiela.
