Goienkaria, 2007.06.08
Ez dut ezkor izateko indar nahikorik barrenean. Neu naizena baino gogorrago behar da izan, gauzak txarrera
egingo dutela sinetsi eta, hala ere, buruari tente eusteko.
Ez dut nahi ez ETAk eta ez
Mariasantisimak baldintza dezan noiz egongo naizen triste eta noiz
alai. Nahikoa lan ematen du egunero zoriontsu samar izateko
ahaleginak, gainera kontrolpean ez ditugun aldagaien arabera ondo edo
txarto sentitzeko.
Oraingo su-etena ez da azkena izan,
baina inoiz baino aurrerago iritsi da, inoiz baino gehiago landu dira
konponbiderako tresnak. Hor egongo dira erabilgarri, hurrengo
ahalegina datorrenean.
Bitartean, ez dut etsiko, egoera
normalagoa nahi dut. Eta ez da berez etorriko, ekarri egin beharko
dugu. Beraz, aurrera bolie!
