Goienkaria, 2007.06.01
Debagoienean ezin gara asko kexatu,
kolpe batean esango nuke alkate izateko zorian diren guztiak
euskaradun ganorazkoak ditugula. Ez da adierazle makala, hizkuntza
normalkuntzara bidean ibarrak burutua duen lanarena.
Ze, oro har, ez da broma nola alderdiek
pentsa dezaketen liderrek ez dutela bete behar hizkuntza eskakizunik.
Hain zuzen, alkateez ari garela, munduko hiriburu bakarra alkate
euskaraduna duena Estatu Batuetan dago, Boise da. Ez da hemen inor
lotsatzen?
Egoera hau alda daiteke Nafarroako
hiriburuan, azkenean Uxue Barkosek alkatetza lortzen badu. Ikaragarri
gustatuko litzaidake hain juxtu Iruñean hastea hizkuntzarekiko
joera lotsagarri hau aldatzen, eta emakume baten eskutik. Aro berri
baten hastapena balitz?
