Goienkaria, 2007.05.25
Oso gogoko ditut udal hauteskundeak, besteak
beste, bi boto ditudalako eskuan. Hau da, bi aukera ditut bultzada emateko
merezi duten hautagai edo zerrendei.
Dagoeneko erabakia dut noren zerrenda sartuko dudan gutunazal zurian. Erabakigarria
izan da zerrenda-burua, bera bailitzateke herriko alkate, irabazi ezkero. Eta
alkateei dagokie udal taldearen eta herriaren lider izatea. Horren arabera
aukeratu dut. Bestea, gutunazal koloreduna, azken orduan erabakiko dut. Hau politikoagoa
da, aldagai gehiago hartu behar dira kontuan: epe motz ala luze, sari ala
zigor, bihotza ala burua…
Bi botoak bereiztuta aukera daukat
zuri-beltzari ihes egiteko. Osoago ager dezaket nire iritzia eta libreago
sentitzen naiz. Probatu duzu inoiz?
