Munduak betiko abiadan jarraituko du biraka,
baina eguneroko bizitza ziztu bizian doa. Gero eta gauza gehiago egin nahi
dugu, gero eta asti gutxiago daukagu haiek egiteko. Egungo jendarteak galdua du
itxoiteko patxada.
Delako prozesu politikoarekin nabari da hori
bereziki. Presa adierazten dute alde guztiek, eta haserrea, urratsak etengabe atzeratzen
direlako. Baina prozesuak ez du bakarrik akordio bat ekarri behar. Prozesua
sendo eta erabakigarria izango bada, prozesuan zehar denok moldatu beharko dugu gure pentsamoldea.
Eta horrek denbora eskatzen du.
Horregatik, denboraren orratzak ahaztu eta
aztertzen hasia naiz zertan bat etor naitekeen ezberdin pentsatzen dutenekin,
norantz mugitu behar nukeen haiekin topo egiteko.
