Arrasateko estatu kolpeak eraman du
Mankomunitatea hedabideetako izenburuetara. Ez da broma udalaren ordezkari
guztiak aldatzea eta, are gutxiago, Mankomunitateko lehendakaria elkargunetik
kanporatzea.
Dena den, aldaketa horrek eragin badu zarata
handia, niri beste gai batek eragin dit kezka. Debagoiena dago une
erabakigarrian, Lurralde Zatiko Plana gauzatzeko orduan, autopistaren eragina bere alde jartzeko
premian, etorkizunari buruzko kinka larrian. Eta Mankomunitatearen hilean behingo
azken batzarrean puntu bat izan zen txakurtegi zerbitzua jartzea.
Hain aurreratuta daude lan garrantzizkoak? Ala,
besterik barik, ez dago ganorarik? Beste modu bateko funtzionamendua behar da
Mankomunitatean. Hauteskunde ondoren, agian?
