Bat. Iturri onetik dakit ibarreko udal handi baten ez dagoela inongo berririk AHTri buruz, nahiz tren azkarrak bete-betean harrapatzen duen herria. Eta sailburuari irakurria diot, ez aspaldi, joan dela eztabaidarako garaia, bilera nahikoa egin dela ibilbideko udalekin, azalpenak emanaz. Egiteko ordua omen, kaltetuek proiektua ezagutzen ez badute ere.
Bi. Bilboko portu berriko arduradunaren arabera, merkantzien garraioak ez omen du abiadura handirik behar, eta oraindik ez ei dakite nola lotuko den portua tren azkarrarekin; aukeran kasik tren zaharra nahiago luke merkantziak garraiatzeko. Sailburuak, berriz, trafiko arazo guztien konponbidea dauka AHTrekin.
Hiru. Esadak, William, zerbaiti ustel usaina zeriok Danimarkan?
