Zalapartaka ibili nintzen Goienkaria berriaren aurkezpenean, tertulia baineukan gero irratian. Bi gauza nabarmentzeko: Patxi Baztarrika sailburuordearen hitzaldia, eta agurreko bideoan ordezkari politiko guztiak agertzea.
Gero aztertu dut ale berria eta asko gustatu zait. Goio Aranak berriro asmatu du diseinuan, oraingoan dotore, argi eta moderno. Eta iraultza itzela egon da edukietan. Ibarraren bilakaerak egin zuen posible Goiena sortzea duela sei urte, eta orduan ezinezko zena bihurtu da posible gaur: argitalpen bakarra ibar osorako. Bakoitzaren herria ahaztu gabe, elementu komunak azpimarratuz, komunitatea indartzeko.
Uste dut hori dela bidea biziraupenerako. Eta esango nuke horretaz ari dela Atxaga, Euskal Hiria aldarrikatzen duenean.
