Kaixo maitiok!!! Gaur konturatu naiz aspaldi-aspaldi idatzi zidala Xabik, Tolosatik. Baina bere mezua zabor-postaren karpetan sartu zen zuzenean, eta gaur arte ez dut ikusi! Barkatu, bihotza!!! Xabik jakin nahi du zer egin ote dezakeen idazlan onak egiteko. Hara, bada, gomendio batzuk!
Kaixo ederrok! Urretxuko Mirenek sekulako buruko minak izaten ditu, bere bikotekidea euskaltegian hasi denetik beti euskaraz egin nahi duelako. Lagunari asko kostatzen zaio euskaraz egitea eta ulertzea, eta Mirenek, nekearen nekez, gazteleraz bukatzen du beti. Horrek haserrea pizten dio Mireni, bere buruarekin, eta lagunari berarekin. Nola jokatu halakoetan? Lasai, hementxe dago Marimaistra, zuen zalantzak argitzeko!
Ai ederrok, oso kezkatuta nago!!! Azken boladan, galdera gero eta arraroagoak iristen zaizkit Euskal Herriko eskola, ikastetxe eta ikastoletako ikasleengandik. Benetan! Oso arraroak! Zorionez, badut formula majiko bat zalantza horiek denak ti-ta argitzeko. Ikusi, ikusi bideoa!