Guztiz eraberrituta ageri da gaur Berria egunkaria
. Paperezkoa bezalaxe Berria.info ateri digitala ere guztiz berritu dute. Atari berriaren diseinua ez da batere txukuna. Azalean informazio gehiegi ematen dute. Azken berriak, papereko berriak, blogak, eztabaidak, sailetako titularrak, Hitzetako titularrak, RSS jarioak, papereko azala, eguraldia, komikia
dena azalean sartu dute. Eta noski, ez da batere txukun gelditu. Irakurtzeko ere zaila da. Atal bateko albiste jakin bat aurkitzeko beste ataletakoak tragatu behar dituzu eta beste zenbait gauza gehiago. Edukiak ez daude ondo sailkatuta
Demagun, kiroletako zazpigarren albistea irakurri nahi dudala. Tragatu beharra daukat goiko beste albiste amaigabeak? Ez, goialdean sailkako botoiak badaude, zertara azalean dena jarri?
Atariak webgune irisgarriaren pautak partzialki betetzen ditu, baina badaude berriz aztertu eta zuzendu beharreko zenbait gauza.
Ez ditu estandarrak betetzen
Ez ditu W3C
erakundearen estandarrak betetzen. HTML
kodeak errore bakarra ematen du, baina oso larria, DOCTYPE deklarazioa ez duela esaten du Berria.info-ren URLa WC3ren kodea balioztatzeko zerbitzuan
sartu ezkero. Arraroa iruditu zait, webguenak egiteko software gehienek eta edukiak kudeatzeko sistemek
(CMS) DOCTYPE deklarazioa jartzen dutelako. Itur kodea begiratu eta konturatu naiz lehenengo lerroan agertzen dela DOCTYPE deklarazioa, baina aurretik XML bertsioren kodeketa agertzen dela. Kodea kopiatu, pare bat lerro aldatu eta berriz sartu dut kodea balidatzek. Oraingoa bai aurrera pasatzen utzi dit. Emaitza: 66 errore. CSSak ere erroreak ematen ditu. Zehatz izateko 15 errore ematen ditu Berriaren CSSak
. Lehengoa betetzen ez bada, zer esanik ez webguneetan irisgarritasuna bultzatzeko W3Cren ekimenari buruz.
Goizean Sustatun RSS jariorik ez dutela ematen irakurri dut. HARPIDETU dioen botoi bat dago, baina goizean ez zen klikagarri, eta ez genekien egunkariaren paperezko harpidetza ala feed harpidetza adierazi nahi zuen. Azkenean agertu da RSS jarioak zioen lotura bat. 6 harpidetza ezberdin ematen dituzte. Nire bloglines kontura igo nahi izan ditut, baina bloglines-ek ezetz. RSS jarioa ez duela aurkitu eta zihurtatzeko webguneak jarioak ematen dituen esan dit. Orduan beste saiakera bat egin dut. berria.info/rss.php URLa berria.info bakarrik jarri eta bloglines-era igota 6 jario beharrean 17 agertu zaizkit (errepikatuta daudenak kontuan hartu gabe).
RSS jarioa
- Paperezko edizio osoa interneten, berria.info
- Berria.info-ko edizio jarraiaren azken albisteak
- berria.info-ko azken orduaren RSS-a
- Euskal Herria, berria.info
- Ekonomia, berria.info
- Gaiak, berria.info
- Mundua, berria.info
- Berria.info Eibar.ORG-en eskutik EZABATU ALBISTE ITURRI HAU MESEDEZ
- Kirola, berria.info
- Plaza, berria.info
- Kultura, berria.info
- Azkena, berria.info
- Berria.info-ko edizio jarraituaren azken albisteen zerrenda
- Harian, berria.info
- Iritzia, berria.info
- Azkena, berria.info
Blog gehiago, blogari berriak, baina elitista izaten jarraitzen du Berriako blog komunitateak. Blogariak Berria-ko langileak, kolaboratzaileak eta kultura edo/eta gizartearekin lotutako pertsonak, kaleko pertsona arruntik ez.
Blog komunitate elitista
Kexa:
kexa
hedabideak
Atariko orrialde hori erotzeko modukoa da. Bereziki arritzen nau edukien jerarkia ezak. Ez al da inor konturatu azpiko aldean dagoena ez dagoela nondik harrapatzerik?
Eta blogarien kontua… ze nahi dezu esatea, betiko leloa herri santu hontan… Betikoak betikoa esaten irakurtzeko ez dut joko beraien blogetara.
Ea beta bat den eta akatsak konpontzen dituzten. Berriaren hobebeharrez.
Blogarien kontua dela eta esan nahi dut ohiko kontuetaz idatziko duten pertsona arruntak falta direla. Eguneroko bizipenak kontatuko dituztenak.
Aaaaaamen!! Guztiz ados egin duzun kritikarekin.
Niri atentzioa deitu zidan lehenengo gauza irisgarritasunari buruzko inongo oharrik, loturarik, logorik… ez aurkitzea izan zen, eta berehala jo nuen irisgarritasuna neurtzeko tresnetara. Zuk aurkitutako arazo berberarekin egin nuen topo.
Zabaldu.com-en ere horren berri eman dut (http://www.zabaldu.com/story.php?albistea=356)
Ba ez zait deserosoa pentsatu. Sartu gabe RSS jarioen beharrean (hau ez da eztabaidagai dagoeneko), sartu barik CSSaren erroreetan eta abarreko alde teknikoetan… Portadara gauza asko ekartzea gustuko dut. Ondo iruditzen zait eta joera bat ere badirudi… Blogena zer esan… nik baditut pare bat harpidetza eginda nire bloglinesean eta zelako onak diren!