AppleBerrin arazoren bat dugu domeinuarekin eta administradorea kanpoan dagoenez ezin dugu momentuz konpondu. Hona ekarri dut sarrera hau.

Atzo iPhone bat probatzeko aukera izan nuen. Bilboko K-tuin Apple Centerrean iPhone bat dute ikusgai eta probatzeko. Uztailaren 31n probatzeko aukera  bukatzen denez. Goizean goiz Bilborako bidea hartu nuen. Etxetik irten aurretik nire blog pertsonalean sarrera bat idatzi nuen. iPhone bat probatzera noa, ointxe bueltan nator. Bueno, azkenean goiza luzatu egin zen eta arratsaldea ere. Goizeko hamaikak aldera heldu nintzen K-tuin Apple Centerrak Bilbon duen egoitzara. iPhone proba bat eskatu nuen. Komertziala nahiko lanpetuta zebilenez arratsalderako egin genuen hitzordua. Probatzea nahi baduzue, hobe lehenengo telefonoz eskaera bat egiten baduzue.

Kontuz, hau ez da “review” bat, nire lehenengo inpresio pertsonala baizik. Sarrera honekin ez nuen iPhoneak dituen funtzio guztiak hemen azaltzea nahi. Gailuan zentratuko naiz eta funtzioak beste baterako utziko ditut. Kontuan izan iPhone bat eskuan izan nuen lehenengo aldia dela. Nerbioak jota eta eskuak izerdi baten. Nirea izango balitz eta kutxa nik zabaldu banu bezala.

Itxura

Askotan ikusi eta irakurri dugu Interneten nolakoa den eta iPhone bat ikusten duzun lehenengo aldian oso ezaguna egiten da. Interneten ikusi dituzuen bideo eta argazkietan ezin daiteke gailuaren edertasuna islatu. Hau ikustekoa da!

Tamainua eta pisua

Askotan esan da handia dela. Nik ere hori uste nuen, baina bosgarren belaunaldiko iPod bat bezain mehea eta hori baino estuagoa da. Eskura oso ondo moldatzen da eta poltsikoan eramateko ere.
Pisuari dagokionez (135 gramo) bosgarren belaunaldiko iPod (157 gramo) batekin alderatuta pisua nabarmen jaitsi da. Nire Nokia N73 baino 19 gramo gehiago bakarrik ditu. Nahiz eta iPhonea pisutsuagoa izan biak eskuan izan nituenean iPhonea gutxiago pisatzen zuela ematen zuen.

Ukimen bidezko pantaila

Probatu dudan ukimen bidezko pantaila onena da. Beste gailu batzuetan pantailan presioa egin behar da behatzarekin. Hemen ez, ukitzearekin nahikoa da. Beste gailu batzuk lapiz bat dute. Gehien kosta zitzaidana AppleBerriren URLa idaztea izan zen. Orain harte idazteko teklak erabili izan ditugu. Pantaila batean behatz batekin idaztea arraro egin zitzaidan, hoitzea izango da.

Zooma behatzekin egitea oso modu errazean egiten da. Aurkezpen keynotean ukimen bidezko zooma nola egiten den ikusi genuen. Txundigarria zen baina, probatu beharrekoa. Hatz lodia eta  erakuslea zabaltzearekin bat irudian zooma nola egiten den ikustea magia dirudi.

Interfazea

Beste sakelekoekiko ezberdin egiten duena OS X sistema eragilea da. Interfaze bateratua du. Aplikazio guztiek itxura bateratua dute. Erabiltzailea txunditzeko pentsatutako interfazea da.

Eskerrak

AppleBerritik, eta pertsonalki nire izenean, eskerrak eman nahi dizkiogu K-tuin Apple Centerrekoi eta bereziki Unai Rodriguez komertzialari bere azalpenengatik. Bilbo edo inguruetan bizi bazarete ez galdu iPhone bat probatu aukera. Hemen uzten dizuet mapa eta helbidea:

tagzaniapaste
K-tuin Bilbao map – Tagzania