Beste sarrera bat idaztera nindoala konturatu naiz 100. sarrera izango zela eta aipamen berezi bat merezi zuenez beste sarrera hau idaztea erabaki dut. Hilabete barru Klik Bikoitzak urte bat beteko du. 2005eko Martxoaren 10ean idatzi nuen lehenengoz blog honetan. Goiena.net atariko blog komunitatea 2 egun lehenago sortu zen. Joxe Aranzabal, Mikel Irizar, Leire Kortabarria, Edu Mendibil, Antonio Zabala eta Goio Arana izan ziren Goiena.net-eko lehenengo sei blogariak. Hona hemen Iban Arantzabalek ikastaroa egin genuenean atera zituen bi argazki.

Debagoieneko blog komunitatea izateko komunitate handia da gurea, dagoeneko eibar.org blog komunitate aitzindaria gainditu dugu kopuruan. 33 blog pertsonal daude Goiena.net atarian. Lehen ere esan dudan moduan hilabete barru urte bat beteko du blog komunitate honek. Iruditzen zait ospatzea merezi duela. Zer deritzozue blogarien afari bat egiten badugu?

Blog komunitate handia