Quantcast

Ekogune 13

Gaurko Ekogune saioan Ekolapiko ekimena izango dugu hizpide erreportajean. Ikastetxeetako jantokietan elikadura ekologiko eta osasuntsua txertatzeko proiektua da, Biolur, Cristina Enea fundazioa eta Kutxa Ekogunea sustatzaile dituena. Oiartzungo Haurtzaro haur eskolako esperientzia ezagutuko dugu, Biolurreko kideen tailerrera joan eta baita egitasmoan diharduen Itziarko Doniene Berri baserrira ere. Elkarrizketan, berriz, turismo arduratsuaren gainean jardungo dugu hizketan Bidaietiko elkarteko Roberto Riverarekin. Atsedenerako eta leku berriak ezagutzeko modua izan daiteke turismoa, baina hau ere modu arduratsuan egin dezakegu edo ez. Turismo arduratsua da, besteak beste, bilatzen duena ingurumenean eta bisitatzen dugun tokiko kulturan ahalik eta eragin txikiena izatea, eta bertakoentzako aberastasuna sortzea. Eta sarri ez dugu era horretan bidaiatzen. Plan berdean bizikleta hartu eta Oiartzundik Aiako Harriaren bihotzera egingo dugu txangoa, Arditurrira alegia. Eta behin han Arditurrik eskaintzen dizkigun aukerekin gozatu ahal izango dugu: parketxea bisitatu, meategian 2.000 urte atzera egin eta parke naturaleko mendi ibilbideetako bat egin. Berdekerietan galdetuko dugu bidezko merkataritzaren gainean, Legazpin jendeari produktuak probatzeko emanda. [SAIOA]

Add a Comment

Zure e-posta helbidea ez da argitaratuko. Beharrezko eremuak * markatuta daude

loading