Hondarribia, legerik gabeko hiria

Legerik gabeko hirietan gaizkileak jaun eta jabe ziren.

jaizkibel_3653

Hondarribia, legerik gabeko hiria:
-herriko kaleetatik alarde pribatuak desfilatzen duenean –Alarde Fundazioak antolatutakoa– anbulantziak ezin duelako sartu herrira tiroz zauritutako pertsona bati laguntza ematera. Pertsona hori hil egin da.
Neure buruari galdetzen diot ea zerk duen lehentasuna,  pertsonak ala desfile militar baten parodiak?

-udaltzainek ez dutelako aginterik  Alarde Fundazioak antolatutako alarde pribatuaren desfilea geldiarazteko.
Berriz galdetzen diot neure buruari  ea zerk duen lehentasuna,  pertsonak ala desfile militar baten parodiak?
Eta hildakoa alarde pribatuan desfilatzen duen baten ama izan balitz?  Berdin-berdin ospatuko zituzten jaiak –hala gertatu baita– ala bertan behera lagatzeko aginduko zuten?
Zer-nolako larrialdi-planak aurreikusten ditu udalak herriko jaietarako?

-Ezta Ertzaintzak ere ez zuelako geldiarazi desfilea anbulantzia sar zedin herrira zauritutako pertsona jasotzera.

-Jaizkibel Konpainiari debekatu egin zitzaiolako herriko kale batzuetatik desfilatzea, irailaren 8an eta jaiak baino lehenagoko egunetan ere. Debeku hori PSOEk ere onartu eta defendatu egin zuen.
Imaginatzen duzue zeuen herriko jaietan –Iruñan, Bilbon, Sevillan, Bartzelonan–,  debekatu egiten zaizuela hainbat kaletatik ibiltzea zuen konpartsa, zuen taldea jaietan elkarrekin parte hartu eta disfrutatu nahi dituzten gizon-emakumez osatuta dagoelako?

Noiz arte jarraitu behar dugu ikusten, jasaten eta sufritzen egoera hau? Noiz arte jarraitu behar dute Jaizkibel Konpainiako partaideek herriko kaleetatik ibiltzea ertzainez inguraturik, erasotzaileak edo gaizkileak bailiran?

plastikoak_3634
7:30 Plastiko beltzak zabaltzen Jaizkibel Konpainiak nola desfilatzen duen inork ikus ez dezan

kartelak_3636

Antzera gertatzen da genero-indarkeriaren kasuetan: erasotzailea lasai-lasai dabil, inongo kontrolik gabe, eta errurik ez duena asasinatua izaten da.
Ertzaintzak ederki asko daki zeintzuk diren istiluak sortzen dituztenak, zeintzuk probokatzaileak, zeintzuk  mehatxuka eta iraintzen dabiltzanak, Kale Nagusian eta Arma Plazan jartzen dituzten kamerek argitasun handiz grabatzen dute hori guztia. Zergatik ez dituzte pertsona horiek inguratzen eta zaintzen, kontrolatzen?

kartela_3638
Megafonoa erabiltzen dute aginduak emateko eta Jaizkibel Konpainiaren aurka oihukatzeko.

Zer dela eta hori guztia? Garbi dago, botoak lortu eta agintzen jarraitzeko, merezi ez dituzten karguak okupatuaz (PNV Hondarribian eta PSOE Irunen).
Entzun berri dut Onda Vasca irratian Andoni Ortuzarri (PNV) egin dioten elkarrizketa. Aztertzen omen dabiltza “la marginalidad en la que ha quedado el PNV en el panorama político vasco”. Harritu egiten zarete?

Emakume artisten erakusketa 2011

DSC_1814

0
false

21

18 pt
18 pt
0
0

false
false
false

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:12.0pt;
font-family:”Times New Roman”;
mso-ascii-font-family:Cambria;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Cambria;
mso-hansi-theme-font:minor-latin;
mso-bidi-font-family:”Times New Roman”;
mso-bidi-theme-font:minor-bidi;}

Urtero bezala, ikusgai daude, hondarribiko
Kultur Etxean, emakumeek egindako lanak.
Aurten,
iaz baino 25 lan gehiago dugu eta parte hartzaileeen artean 7 berriak dira. Argazkilari bakarra etorri
da, gainontzekoak margolariak, olio-pintura, akuarela, akrilikoa… Gazteenak –4,8, 11
urte bitarkoak– Betty Paganoren ikasleak dira, eta baditugu 88 eta 87 urteko
margolarien lanak ere. Arte Ederretako ikasleek ere ekarri dituzte lan batzuk eta margolari hauen
ikasleek ere parte hartzen dute: Carmen Maura, Idoia Amunarriz, Javier Sagarzazu; Ferran
zenaren ikasle ohiak…”
dio Estela Galanek, koadro bakoitza non jarri ari
den bitartean.
Aurten ere, iaz ezagutu nuen artista gaztetxoak –6 urte– aurkeztu du bere lana.

DSC_1828

Kale Nagusiko istiluak (2009)

istiluak kale Nagusian

Iaz, Jaizkibel Konpainiak desfilatu zuenean arratsaldean, Kale Nagusian gorabeherak izan ziren.
Kantinerari egin nahi nion argazkia eta zain nengoen, geldirik, kalearen erdian, kamara prest lanean hasteko. Halako baten, euritako beltz bat ikusi nuen airean. Eta bat-batean, sekulako istiluak emakume eta kale-jantzian zeuden ertzainen artean.
Bitan pentsatu barik, argazkiak egiten hasi nintzen. Halako baten, ez dakit nondik irtenda, emakume bat jarri zitzaidan aurrean, bere onetik aterata eta oihuka:

Istiluak Kale Nagusian

-¡Y tu a qué le sacas fotos!
-A lo que me da la gana.
-¡A qué le sacas fotos!
-A lo que me da la gana.
Lau aldiz egin zidan galdera bera, eta lau aldiz jaso zuen erantzun berbera. Bitartean, kamarari ondo eusten nion, eta ez nuen zirkinik egin, emakumea bere onetik irtenda baitzegoen, kale-jantzian zeuden ertzainek eraman zuten arte. Etxean argazkiak deskargatu ondoren ulertu nuen zergatik oldartu zitzaidan: bera zen istiluetan zebilen haietako bat! “Kalte egin eta isilean gorde”. Ez dute gustuko publiko egitea euren jarrerak.

Jaizkibel Konpainia desfilatzen

DSC_9324

Inolako arazorik gabe desfilatu du Jaizkibel Konpainiak. Urterik urte ikus daiteke jende gehiago txalotzen kaleetan. Ibilbidean beste konpainia batzuekin egin dute bat Alamedara ailegatu arte. Ez da ezer gertatu, Alardeko beste konpainia bat bailitzan joan da, normaltasun osoz.

DSC_9405

Kale Nagusian euritako beltzak eta pankarta zuriak egon arren, gero eta gutxiago dira istiluak sortzen ibiltzen direnak.“Ez gara zuek ikustera etorri”. Baina euritako beltzen tartetik buruak atera eta Jaizkibelekoak pasatzean, bat baino gehiago zegoen begira!

Patricia Izaguirre, kantinera

Patricia Izagirre
  Jaizkibel Konpainiako 2010eko kantinera

Patricia Izaguirre Alza –Itsas Ingeniaria-, Jaizkibel konpainiako kantinera. Duela zortzi urte hasi zen desfilatzen soldadu gisa. Familia guztiaren babesa eta laguntza izan du, baita lanean ere, behar dituen egunak hartzeko –Madrilen dabil doktoradutza egiten eta lanean (UPM)-.

“Botak egiteko arazoak izan ditut. Amak deitu zuen Juncal Aguirreren abarketa-dendara (Irun) botak neurrira egiteko; hasiera baten ez zuten oztoporik jarri, baina adierazi zienean Jaizkibel Konpainiako kantinerarentzat zirela, ezetz esan zioten, ez zizkiotela egingo, Jaizkibelgoei ez dietela sekula egiten, eta telefonoa eskegi zioten. Zorionez, badaude profesional onak berdin jokatzen ez dutenak. Zapatariek jakin zutenean gertatutakoa, harrituak zeuden, ulergaitza egiten baitzitzaien halako jarrera, eta bi bota pare egin dizkidate, batzuk lonazkoak, betiko erara eta beste batzuk larruzkoak, ezin erosoagoak.

Antzeko gauza gertatu zait pelukerarekin: 27 urte daramatzat pelukeria berera joaten, eta, normala denez, bertara joan nintzen oraingoan ere. Jaizkibeleko kantinera naizela jakitean, ez nautela orraztuko esan zidaten.
Jaizkibel konpainian pelukero-estilista batek desfilatzen du –Haritz–, eta berak orrazten eta makilatzen ditu kantinerak. Berak egingo dit dena, eta lasai esan dezaket guztia konponduta dagoela eta
martxa onean.

Jaizkibel konpainia

Gai honetaz argazki gehiago:
http://www.flickr.com/photos/bidasoatik/sets/72157624894056090/

World-Kafea Ermuan

murala

Normal
0
21

false
false
false

MicrosoftInternetExplorer4

 

Bizkaiko Jabekuntza Eskolen topaketa
egin zen ekainaren 12an Ermuan, urtero bezala, ikasturtearen amaiera ospatzeko. Ekitaldi horretan parte hartu genuen “7
emakume en movimiento” taldekook. Gure lana izan zen erreportaje fotografikoa egitea
eta mural bat margotzea ekitaldiak iraun bitartean. Muralak Word-Kafean
hausnartzen eta eztabaidatzen ari ziren gaia jaso behar zuen: “Amodioa, Maitasuna”,
ikuspegi feminista batetik. Aukera izan genuen antzerki-talde baten emanaldiarekin disfrutatzeko.

http://www.fmujeresprogresistas.org/poder1.htm

http://blogs.publico.es/apuntesperipateticos/73/empoderamiento/

Estela Galan

7 urteko artista

Aurten ere egin da Hondarribian, EMEKIk antolatuta,  Emakume artisten erakusketa. Eta urtero bezala, hantxe zebilen Estela, erakusketaren komisarioa, non eta nola jarri behar ziren lanak erabakitzen, eta beti prest edozein zalantza argitzeko edo argibideak emateko.
“Parte hartze handia izan dugu, Hondarribiko emakumeez gain, beste herri batzuetakoek ere ekarri dituzte euren lanak: Donostia, Irun, Errenderia… Esan behar dizut gero eta gazte jende gehiago etortzen zaigula, 5 urteko haur bat ere izan dugu! Horrez gainera, Arte Ederretako ikasleak eta Hondarribiko pintura akademietakoak ere bai: gaztetxoena  Beatriz Paganoren ikaslea da; Carmen Maura, Jabier Alkain, Jabier Sagarzazu, Josu Urtizberea…; horien ikasleen lanak hemen daude ikusgai; baita ibilbide luzea duen artistarena ere: Sara Otaño.

Urtero izaten dugu zerbait berria, aurten grabatu gutxi izan arren, obra batzuk oso abanguardistak izan dira.”

bisitariak

Jaizkibel konpainia Guadalupeko mezatan

Jaizkibel konpainia

Jaizkibel konpainiarekin aurten igo naiz lehenengo aldiz Guadalupera. Batzuk autobusez, beste batzuk autoz, eta izan ziren oinez igo ziren gazteak ere, izerdi patxetan. Biba zuek!
Meza eguerdiko 12etan zen arren, Jaizkibeleko karguak eta kantinera lehenago sartu ziren elizara, lekua hartzera, beste konpainiek bezala, eurek ere badutelako eskubidea barruan egoteko meza entzuten eta bankuetan eserita.
Neu ere sartu nintzen zer-nolako giroa zegoen ikusteko. Sartu, eta hara non ikusi nuen serora zebilela elizako eserlekuetan paper batzuk jartzen: “autoritateentzat”, alardeko mandoentzat, kantinerentzat… aurreneko eserlekuetan. Eta beste zerrenda batzuk ere jarri zituen, izen-abizenekin, ia eserleku guztiak okupatuz. Auskalo zeintzuk ziren haiek! Baina Jaizkibel ez zen inondik ere agertzen. Ikusi nuen nola hartzen zituzten Jaizkibel konpainiari zegozkion eserlekuak argazkietan ageri diren
emakume horiek.

 mujeres de Alarde Fundazioa

Ikusi nuen Jaizkibeleko tenientea esaten ari zitzaiela eurek eseri behar zutela han eta, mesedez, lagateko leku hura libre. Egoera ikusita, neure lana egiten hasi nintzen –argazkiak atera– gertatzen zenaren lekukotasun grafikoa izateko.
Halako baten emakume ilehoria oihuka hasi zitzaidan: ALDE HEMENDIK, ALDE HEMENDIK!!!
Zein zara zu, ba, nik alde egin dezadan elizatik  agintzeko? Denon etxea da.
Frogatuta dut ez dutela bat ere gogoko eurei argazkiak egitea, agerian geratzen baitira egiten dituzten zentzurik gabeko ekintzak, ulergaitzak eta basatiak.
Eta zer uste duzue egin zutela Jaizkibel konpainiakoak elkarren ondoan eser ez zitezen? Ba, euren artean jarri!
Jaizkibelekoak bankuetan eserita zeudela, argazkiak egin nizkien. Eta hara non hasi zitzaidan garrasika beste andrazko bat –bideo kamararekin agertzen den hori– ez egiteko argazkirik, emateko argazki kamara, emateko dokumentazioa, salaketa jarriko zidala ematen ez banion, –eta gaineratu zuen– berak epaiketa guztiak irabazten zituela!

Jaizkibel konpainia

Ez egiteko argazkirik Jaizkibel konpainiari? Ez egiteko argazkirik neure alabari, kantinerari? Baina, baina, zein uste dute direla? Iparra galdu dute, euren jokaera eskandalagarria da, denak psikiatrikoan sartzeko moduan daude!
Tente agertzen diren beste horiek, horrela egon ziren mezak iraun zuen bitartean, beti zutik, atzeko eserlekuetakoei eragotziz elizkizuna jarraitzea.
Eta neure buruari galdetzen diot: zeinek agindu dio serorari, izen-abizendun zerrenda horiek jartzea elizako eserlekuetan? Nork agintzen du elizan? Serorak berak? Euren ekintzekin auzo lotsa sentiarazten emakume horiek, agian? Non zegoen Martin Iturbe abadea? Noiz arte jarraituko du elizak isilik?

Kantinera desfilatzeko prestatzen

ezpainak margotzen

Alardean desfilatzeko kantinerak goiz samar jaiki behar izaten du. Goizaldeko 05:15ean etorri ziren pelukeroa eta makillatzailea. Bi ordutan egin behar izan zuten lana, 07:30ean Jaizkibel konpainia etorri baitzen kantineraren bila.

Prest desfilatzeko!

Pelukeroak eta makillatzaileak lan ona egin dute. Hortxe dugu kantinera lagunekin eta senideekin, desfilatzeko prest.

Jaizkibel Konpainia goizez desfilatzen

Laida-Anabel-Ramon-Naiara

Goizean goiz esnatu izan gara beti Alardea ikusteko. Umetan gure aita zenarekin Guadalupera meza entzutera, bidean kainabera moztu eta… aldapan gora. Bueltan, Errandonean ardo goxoa edan, eta etxera itzultzen ginen konpainiaren batekin. Gosaldu eta kale Nagusira, Apezpikuaren plazan bizi ginen eta.  Laida ere ume-umetatik esnatu izan dut goiz,  konpainiak nola joaten ziren kantineraren bila ikus zezan. Aurten, inoiz baino goizago jeiki behar izan dugu, kantinera etxean baikenuen. Goizeko 07:20an etorri ziren kantineraren bila: kapitaina, Anabel Salinas, tenienteak, Maite San Miguel eta Ramón Murua, eta sargentoak Naiara Salinas eta Ramón Ribera.

Jaizkibel konpainia

Lore-sorta zoragarria eman zioten; ondoren balkoira irten zen konpainiari agur egitera. Une horretatik aurrera hasi zen Jaizkibel konpainiarentzat Alardea.

Jaizkibel konpainia