Ituren eta Zubietako iñotik

-n -kargitaratuta
Erantzun

DSC_5657

Ituren eta Zubieta, Mendaur mendiaren magalean. Nekazari giroko inauteriak ditugu hauek, eta bi herriok dira lehenengoak inauteriak ospatzen.
Herriko ostatuan janzten dira joaldunak, eta bertan lanean ari direnei ez zaie umorerik falta!

DSC_5821

Artza bere loalditik irteten denean, udaberria gertu dugula esan nahi du. Iturengo artza ardi-larruz mozorrotuta ibiltzen da eta ahari-burua darama.

DSC_5843

Lurra, natura esnatu nahi dute joaldunek mugimendu erritmikoekin eta joare handien edo polunpen hotsarekin.

DSC_5846

Joaldunekin batera gizon bat joaten da, txapela eta atorra beltzez jantzita. Hark adar-hotsak eta oihuak botatzen ditu joaldun guztiak batera mugi daitezen.

DSC_5711

Karrozaren bat ere ikusiko dugu, eta jendea mozorro-jantzian ibiltzen da, haurrak, gazteak eta ez hain gazteak ere, festan parte hartuz eta disfrutatuz.

DSC_5667

Argazki erakusketa: artzubi

-n -kargitaratuta
Erantzun

literaturatik gehiago pinturatik baino

Xabier Artolaren argazki erakusketa Hondarribiko MODOTTI Tailerrean, urriaren 30era arte.

Elkar ezagutu genuen IRALEn hasi ginenean lanean. Argazkigintzarako zaletasuna gazte-gaztetatik datorkio. Erabat autodidakta, Gipuzkoako Argazkilari Elkarteko (SFG) kidea da, 1975etik.

Modotti tailerreko erakusketara, aro digitalean egindako zenbait argazki ekarri ditut, 2006tik 2010era bitartekoak. Denetik pixka bat, beraz, areto txiki honetako hormetan zintzilik: paisaiak, jendea, erretraturen bat…; horien artean zortzi Kuban ateratakoak dira, azken boladan hainbat alditan suertatu baitzait uharte eder horretan izateko parada.

Català Roca argazkilari kataluniarrak (1922-1998) esana da argazkigintzak gehiago duela literaturatik pinturatik baino, kontrakoa esaten bada ere. Iritzi berekoa naiz, eta esaldi horretaz baliatu naiz, hain zuzen, erakusketari izenburua emateko.

Hondarribia, legerik gabeko hiria

-n -kargitaratuta
Erantzun

Legerik gabeko hirietan gaizkileak jaun eta jabe ziren.

jaizkibel_3653

Hondarribia, legerik gabeko hiria:
-herriko kaleetatik alarde pribatuak desfilatzen duenean –Alarde Fundazioak antolatutakoa– anbulantziak ezin duelako sartu herrira tiroz zauritutako pertsona bati laguntza ematera. Pertsona hori hil egin da.
Neure buruari galdetzen diot ea zerk duen lehentasuna,  pertsonak ala desfile militar baten parodiak?

-udaltzainek ez dutelako aginterik  Alarde Fundazioak antolatutako alarde pribatuaren desfilea geldiarazteko.
Berriz galdetzen diot neure buruari  ea zerk duen lehentasuna,  pertsonak ala desfile militar baten parodiak?
Eta hildakoa alarde pribatuan desfilatzen duen baten ama izan balitz?  Berdin-berdin ospatuko zituzten jaiak –hala gertatu baita– ala bertan behera lagatzeko aginduko zuten?
Zer-nolako larrialdi-planak aurreikusten ditu udalak herriko jaietarako?

-Ezta Ertzaintzak ere ez zuelako geldiarazi desfilea anbulantzia sar zedin herrira zauritutako pertsona jasotzera.

-Jaizkibel Konpainiari debekatu egin zitzaiolako herriko kale batzuetatik desfilatzea, irailaren 8an eta jaiak baino lehenagoko egunetan ere. Debeku hori PSOEk ere onartu eta defendatu egin zuen.
Imaginatzen duzue zeuen herriko jaietan –Iruñan, Bilbon, Sevillan, Bartzelonan–,  debekatu egiten zaizuela hainbat kaletatik ibiltzea zuen konpartsa, zuen taldea jaietan elkarrekin parte hartu eta disfrutatu nahi dituzten gizon-emakumez osatuta dagoelako?

Noiz arte jarraitu behar dugu ikusten, jasaten eta sufritzen egoera hau? Noiz arte jarraitu behar dute Jaizkibel Konpainiako partaideek herriko kaleetatik ibiltzea ertzainez inguraturik, erasotzaileak edo gaizkileak bailiran?

plastikoak_3634
7:30 Plastiko beltzak zabaltzen Jaizkibel Konpainiak nola desfilatzen duen inork ikus ez dezan

kartelak_3636

Antzera gertatzen da genero-indarkeriaren kasuetan: erasotzailea lasai-lasai dabil, inongo kontrolik gabe, eta errurik ez duena asasinatua izaten da.
Ertzaintzak ederki asko daki zeintzuk diren istiluak sortzen dituztenak, zeintzuk probokatzaileak, zeintzuk  mehatxuka eta iraintzen dabiltzanak, Kale Nagusian eta Arma Plazan jartzen dituzten kamerek argitasun handiz grabatzen dute hori guztia. Zergatik ez dituzte pertsona horiek inguratzen eta zaintzen, kontrolatzen?

kartela_3638
Megafonoa erabiltzen dute aginduak emateko eta Jaizkibel Konpainiaren aurka oihukatzeko.

Zer dela eta hori guztia? Garbi dago, botoak lortu eta agintzen jarraitzeko, merezi ez dituzten karguak okupatuaz (PNV Hondarribian eta PSOE Irunen).
Entzun berri dut Onda Vasca irratian Andoni Ortuzarri (PNV) egin dioten elkarrizketa. Aztertzen omen dabiltza “la marginalidad en la que ha quedado el PNV en el panorama político vasco”. Harritu egiten zarete?

Emakume artisten erakusketa 2011

-n -kargitaratuta
Erantzun

DSC_1814

0
false

21

18 pt
18 pt
0
0

false
false
false

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:12.0pt;
font-family:”Times New Roman”;
mso-ascii-font-family:Cambria;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Cambria;
mso-hansi-theme-font:minor-latin;
mso-bidi-font-family:”Times New Roman”;
mso-bidi-theme-font:minor-bidi;}

Urtero bezala, ikusgai daude, hondarribiko
Kultur Etxean, emakumeek egindako lanak.
“Aurten,
iaz baino 25 lan gehiago dugu eta parte hartzaileeen artean 7 berriak dira. Argazkilari bakarra etorri
da, gainontzekoak margolariak, olio-pintura, akuarela, akrilikoa… Gazteenak –4,8, 11
urte bitarkoak– Betty Paganoren ikasleak dira, eta baditugu 88 eta 87 urteko
margolarien lanak ere. Arte Ederretako ikasleek ere ekarri dituzte lan batzuk eta margolari hauen
ikasleek ere parte hartzen dute: Carmen Maura, Idoia Amunarriz, Javier Sagarzazu; Ferran
zenaren ikasle ohiak…” dio Estela Galanek, koadro bakoitza non jarri ari
den bitartean.
Aurten ere, iaz ezagutu nuen artista gaztetxoak –6 urte– aurkeztu du bere lana.

DSC_1828

Inauteriak Haratusteak Carnavales

-n -kargitaratuta
Erantzun

DSC_1466

Amaitu dira inauteriak, ihauteak, ihoteak (iyoteak) edo haratusteak, neguko jaiak. Haratuste hitza “haragi uztea” ei da, eta, mendebaldeko euskaraz (bizkaieraz) erabiltzen da. Azken izen hau mundu osoan zehar erabiltzen den carnaval edo carnivalen parekoena da, hauek latinetik baitatoz: carne (haragi) eta levare (utzi). Nik gehien maite ditudanak Ituren eta Zubietakoak dira, eta asko disfrutatu izan dut Zuberoako Maskarada-rekin. 
Hondarribian ospatzen direnak oso bestelakoak dira, baina bada talde bat egiten dituzten antzezpenekin alaitzen gaituena.

DSC_1479

Choucrote eguna 2011

-n -kargitaratuta
Erantzun

choucroute

Urtero bezala, Choucroute eguna ospatu dugu. Chocrouta neguko platera da, alsaziar jatorrikoa, “sürkrüt” hango hizkuntzan. Aurten Kabigorrin –Irungo Kultur ateneoan– egin dugu bazkaria, eta gurekin izan dira Madrilgo lagun batzuk. Sekulan egon gabeak zirenez Euskal herriko elkarte gastronomiko baten, irrikitan zeuden barrutik ezagutzeko. Esan behar dut elkarte honetako partaide izateko berdin diola gizonezko zein emakumezko izan, ateak denontzako baitaude zabalik.
Ilusio handiz itxoiten dut egun hau, lagunekin egoteko aukeraz gain, Jaimek prestatutako choucroute goxoa jan, Javik eta Maitek egindako gatzatuak edo mamiak dastatu, eta, edateko, nola ez, Rhin eskualdeko ardoak dastatzeko aukera paregabea delako. Oraingo honetan, gainera, hasiera emateko Alsaziako muscat barietatea edan dugu. Zepak edo mahatsondo-enborrak Mediterranekoak badira ere, duela 25 urte landatu zituzten eskualde  horretan eta oso ondo egokitu dira.
Eta kafeari laguntzeko, Agedak eta Xabierrek Mungiatik ekarritako pasteltxo goxoak. Gehiago behar al da eguna ondo pasatzeko?

ttopa-brindis

Azkonbegi – Landibarre

-n -kargitaratuta
Erantzun

hilarriak

Landibarreko auzoa dugu Azkonbegi. Joan ginen egunean, Herritarren Bazkaria ospatzen ari ziren. Bazkari hori herriko Gazteen Komiteak ordaintzen du, eta beti izaten da herriko festak ospatu baino hiru aste lehenago.
Azkonbegi ez dugu bide ondoan aurkituko, bilatu egin behar da, joan egin behar da bertara, eta, han, denbora gelditua dagoela ematen du. Auzo txikia da, baina handia eta aberatsa bere txikitasun horretan. Espero ez ditugun altxorrak aurkituko ditugu: harrizko gurutzea, Xipirine kapera, eta haren kanpoko aldean eta barruan… a zer sorpresak! Herritar batek, Margueritek, erakutsi zigun kapera: zoragarria!

Xipirine