| Ikusi handiago | Argazki originala

Ostiralean egin zen BHKlip bideo-lehiaketaren sari-banaketa, Ikastolaren Egunarekin batera. Bi sari banatu ziren: Epaimahaiarena eta Ikuslearena. Epaimahaiaren Saria Almeneko Alba Saez, Mireia Cabrera eta Nagore Gomezentzat izan zen, Gauzak trukatu zure beharretara moldatu lanari esker. Ikuslearena ere Almeneko hiru ikaslerentzat izan zen: Haizea Arrieta, Oihane Iturbe eta Olatz Iriarterentzat, hain zuzen ere. Sari hori ikusleak Bhklip blogaren bidez bozkatu du, eta bozkan parekatuta egon dira aipatu bi lanok. Botu bat gehiago jaso du Epaimahaiak aukeratutako lanak, baina oinarriei kasu eginik, lan berberak ezin zuenez bi sariak jaso, bigarren bozkatuenak jaso du Ikuslearen Saria.

Aurtengo epaimahaia honako lagunek osatu dute:  Arkaitz Biain (BAGARAko ordezkaria),Oihane Agirre (Goienako ordezkaria), Amaia Pavon (MUko ikus-entzunezko komunikazioko irakaslea) eta Gari Ibarzabal (Ikastolako hezkuntza ez-formaleko arduraduna).

Arizmendi Ikastolak antolatzen duen bideo-lehiaketa da BHKlip, eta hainbat lankiderekin batera (Bagara, MU, Goiena eta AZK komunikazio-taldea) jarri da martxan aurten ere. Aurtengo gaia Trukatuta ere berri izan da.

Ikuslearen saria

BHKlip bideo-lehiaketan parte hartuko duten ikasleek Ikus-entzunezko Komunikazioko fakultatean formazio-saioak izan zituzten ostiralean. Gaiari buruzko hausnarketan jardun ziren eta bideo labur bat egiteko ideiak, teknikak… landu zituzten.

Iaz bezala, Arizmendi Ikastolak BHKlip bideo-lehiaketa antolatzeko MUko Huhezi fakultatea eta BAGARA herrigintza egitasmoa ditu bidelagun, besteak beste. Hori dela-eta, ostiralean unibertsitatekoek eta BAGARAko ordezkariek formazio saioak eskaini zizkieten bertan parte hartuko duten ikasleei. Huheziko Ikus-entzunezko Komunikazioa graduko irakasleek film labur bat egiteko ideiak eta teknikak erakutsi zizkieten ikasleei eta BAGARAko ordezkariek, berriz, gaiaren inguruan hausnarketa saioa egin zuten.

Aurtengo gaia Trukatuta ere berri da, eta DBHko 3. eta 4. mailako zein batxilergoko ikasleei zuzenduta dago. Bi minutuko bideoa egin behar dute parte hartu nahi dutenek, gehienez hiru kideko taldetan. Apirilaren 30era arte da epea. Arizmendi Ikastolak seigarrenez antolatu du BHKlip bideo-lehiaketa. Aurreko urtean bezala Huhezi eta BAGARArena ez ezik, Goiena eta AZK komunikazio taldearen laguntza ere izango du.

Xedea:

Ikus-entzunezko labur bat sortzea

Egilea:

Debagoieneko ikasleek har dezakete parte (DBH 3 eta 4 eta batxilergoko ikasleak). Lan bakoitzeko, gehienez, hiru lagun.

Gaia:

Trukatuta ere berri

Iraupena eta formatua:

• Bi minutu gehienez.
• Lana AVI edo WMV formatuan entregatu beharko da.

Formazioa:

Parte hartzen dutenek aukera izango dute MUko Huheziko fakultatean (Aretxabaletan) ordu eta erdiko formazio saioa hartzeko gaiaren inguruan (BAGARAren eskutik) eta bideogintzaren inguruan (Ikus-entzunezko komunikazioa graduko irakasleen aldetik). Parte hartzeko, izena eman komunikazioa@arizmendikide.net helbidean martxoaren 18rako.

Epea:

Lana apirilaren 30erako entregatu behar da. Bi modutan helaraz daiteke:

• Arizmendi Ikastolako idazkaritzan utzita edo postaz bertara bidalita: Arizmendi Ikastola (BHKlip, 2014). Otalora lizentziaduna, 8. 20500 Arrasate.
• Youtubera bideoa igo eta esteka helbide honetara bidaliz: komunikazioa@arizmendikide.net

Sariak:

Bi sari emango dira: Epaimahaiaren Saria eta Ikuslearen Saria.

• Sari bakoitzean, partaide bakoitzarentzat bideo-kamera bana.
• Ikuslearen Saria boto bidez aukeratuko da. Maiatzaren 12tik aurrera bozkatu ahal izango da finalisten arteko onena Goiena Blog komunitateko BHKlipeko blogean.

Epaimahaia:

• MUko Ikus-entzunezko komunikazio graduko irakasle bat.
• Arizmendi Ikastolako ordezkari bat.
• Goiena komunikazio taldeko ordezkari bat.
• AZK komunikazio taldeko ordezkari bat.
• Bagara elkartearen ordezkari bat.

Epaimahaiak lanak baloratzeko irizpide hauek izango ditu kontuan:

• Orijinaltasuna
• Teknikoki irudi, soinu eta muntaiaren egokitasuna.
• Musika: ez da derrigorrezkoa egileek sortutakoa izatea, baina baloratu egingo da.
• Gaiaren trataera.

Eskubideak:

• Parte-hartzaileek ziurtatuko dute euren lanak ez dituela inoren eskubideak urratzen. Besteak beste, Creative Commons lizentziapean musika deskargatzeko www.jamendo.com/es helbidean aukera handia dago.
• Saria jasotzen duten bi lanak Arizmendi Ikastolaren esku geratuko dira, eta berea izango da lanoi eman dakiekeen erabilera.

Egileen datuak:

• Lanaren izenburua artxiboan bertan jarri beharko da eta gutunazal itxi baten izenburu bera eta barruan egileen izen-deiturak eta telefono zenbaki bat.
• Lana Youtubera igota helaraziz gero, mezu bidez bidali datuok komunikazioa@arizmendikide.net helbidera.

Lehiaketa honetan parte hartzeak oinarri guztiak onartzea dakar.

Harremanetarako:

• 943 71 21 68 edo 943 71 20 25
• komunikazioa@arizmendikide.net
• www.arizmendi.eu