Esait Eguna

Atzo Esait Eguna ospatu zen Algortako Portu Zaharrean “Euskal Herriko federazio nazionalak sortu, kirolariok prest!” lemapean. Giro bikaina egon zen, euskaltzale eta kirolari asko bildu ziren euskal selekzioen alde egiteko.

Saltsa guztietan nagoenez, hemen ere tokatu zitzaidan lan apurtxu bat egitea. Algortako Esait Taldeko kide bat ezagutzen dut, Enano, eta berak liatu ninduen. Goizean ikurriƱaren igoera aurkezten eta megafoniatik “txapada” botatzen. Nola ez, bertso-saioan hor ibili nintzen gai-jartzaile moduan, saio ederra.

Jende asko hurbildu zen Euskal Herriko txoko desberdinetatik beraien babesa ematera Esait-eri. Gehien harritu ninduena jende askok zeramala soinean hain ezagunak egin diren kamiseta zuri, gorri eta berdeak. Denak batera helburu bakar batekin: gure selekzioak ofizialak izatea.

Egun zoragarria atzokoa. Zorionak antolatzen ibili zinetenoi, badakit lan itzela egin duzuela jai hau ederto atera zedin eta lortu duzue!

BESTEAK BAI, EUSKAL HERRIA ERE BAI!
EUSKAL SELEKZIOAK AURRERA!

Kategoria: Sailkatugabeak Etiketak . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude