Aspaldiko urteotan moduan, aurten ere giro ederra izan da Arrasaten Maritxu Kajoi egunean, eta parrandarako gogorik ez da falta izan.
Palestina eta Israel izan dira aurten aldarrikapenen gai nagusia, eta “Palestina askatu” eta “Israeli boikota” leloa duten pintadak ugariak izan dira. Miraria, berriz, Madurok egin du aurten Eguberriak urrian ospatzea agindu du eta.
Hemen duzu aurtengo argazki bilduma, Maritxu Kajoi egunean egindako argazkiekin osatutakoa.
atauri
Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.
