“Urmugari begiratu eta, tantak bi itsasoetara nola, musika zabaltzen zaigu bi belarrietara.” Peru Magdalenaren hitzek oso ondo laburbiltzen dute zer den Urmuga ekitaldia, aurten hirugarren aldiz zeharkatu duena Euskal Herria mendia eta musika uztartuz.
Uztailaren 12tik 30a bitartean hainbat musika emanaldi izan ziren: Tologorri, Urduña, Garrastatsu, Otxandio, Araia, Aizpearro, Baigorri, Otsagabia eta Orhiko gailurrean, besteak beste. Otsagabiakoa izan zen azkena, eta musikari hauek izan ziren Et Inkarnatus Orkestrarekin batera: Sara Azura, Favio Banterla, Garikoitz Mendizabal, Iñaki Dieguez, Rukula taldea, Leturia, Eñaut Elorrieta eta Josu Zabala.
Hemen duzu Otsagabiako kontzertuan egindako argazki sorta.
