Gaur elurra egin du gure bailaran, elur pixka bat baino ez, 700 bat metrotik gora. Arantzazun ere egin du, asko ez baina igartzeko beste bai behintzat.
Aspaldian zuri-beltzean editatzen diatut argazkiak. Izan ere, zuri-beltza berezia da, dotorea, ikaragarria. Bihotzak agintzen dit zuri-beltzean editatzeko argazkiak, Buruak, berriz, koloretan. Gaur, buruak agintzen du, eta kolorea nagusitu da.
Hemetxe dituzu argazki gutxi batzuk Arantzazun gaur egindakoak.
![atauri](https://blogak.goiena.eus/atauri/wp-content/authors/atauri-172.jpg)
Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak.
Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez.
Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da.
Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.