Pinguino honek gaur pozik egoteko beste arrazoi bat topatu du: Hego Poloan software librean dihardutenak gero eta aktiboago daude! Gizarte osoak ospatu behar luke, suziriak bota, xanpaina atera izotz artetik, iglooetako leihoetara ikurriñak haizatu… Bai, software librea alternatiba izan daiteke, Gilen Ateak maltzurrak erakutsi edo irakatsi gura izan digunaren kontra, eta horretan dabiltzan enpresak egon badaude gure artean. Orain dela gutxi jaio den Esleri (Euskadiko Software Libreko enpresen Elkartea), beraz, nire ongi etorririk beroena egin nahi diot. Ea jendeak topatzen duen haiengan Hego Polora migratzeko bidea, laguntza, behintzat, eskaintzen baitute, eta gero eta aitzaki gutxiago geratuko dira zuen kutxa pentsalari horiek birus mutante ikaragarri horrek kutsatuta bizitzeko!
Bide batez, mundua apurtxo bat libreago izan dadin lan egiten duten beste batzuk ere agurtu eta agertu nahi ditut, i-rratsaioa eta guzti eskaintzen diguten Teketen-ekoak. Xanpaina eta bokarta pintxoak guztiontzako!
