Ez dela ordenagailu bat, berotu egiten dela, pantaila arraiaz beteko zaigula, bereizmenak ez duela laguntzen denbora askoan irakurtzen, gehigarriak garestiak izango direla… eta bla, bla, bla, bla. Baina iPad-a zoragarria da!
Eta hain zuzen arrakasta hortik etorriko zaio, kontra dituen guztiak izanda ere askori gustatuko zaigula eskuartean izatea. Beste barik, gustatuko zaitu eta kito! eta horren kontra…
Hale ere, diseinu hori, 700 gramora ez heltzea, pantaila ederra (9,7 hazbete), multitaktila, erosoa, youtube fenomeno ikusten da, itunes-etik filmak ekarrita ere bai, argazkiak ikusteko oso egokia, baita nabegazio sinplea egiteko ere, pare bat jokotan ibili naiz (doan topatu ditudanak) eta aspaldi nengoen petakadun makina batean jokatu barik… 🙂 Libururik ez, ez dut oraindik irakurri baina euskal argitaldariak ere jarri beharko dira iPad-ari ere begira… iWork ere badakar testuendako, kalkuluak egiteko plantilak eta aurkezpenak egiteko erabiltzen dugun Keynotea ere bai…
Atzotik dihardut makinita berriarekin eta bateria pila bat dauka. 10 ordutik gora, esaten dutenez.
IPad hau Espaloian egongo da edonork erabiltzeko. Bai bai, barran eskatu eta gura duzun egunkaria irakurri: herriko, bailarako, Euskal Herriko zein munduko notiziak kontsultatu, bideoren bat ikusi… eta benga, ez biziatu ze beste batzuk ere gura dute erabiltzea 🙂
Diru mordua gastatzeko beste modu tonto bat!
Niri oso ondo etorriko zait. Ez dut ordenagailurik eta trago batekin nire emilioa begiratza gustoko zait. Hori ezin dugu egin nahi dugunean. kZlekua itxita egoten da. Orain dauden txuriak bikain daude.
diru mordoa zure poltsikotik?