Akaso galderak behar luke: “zer egin gura ez ditugun anonimoekin?” zehatzagoa litzateke, seguruenik.
Lagun batek bidali dit hauxe (kasua erreala da):
Iban, ez dakigu zer egin. Pertsona bakarrak lagun askoren artean jasotako proiektua kakaztu (nahi) digu. Primeran hasi ginen; proiektuak hasieratik izan zuen estimazioa jendearen artean. Bisita mordoa izaten genuen eta parte hartzea ere oso handia zen. Herritarron arteko komunikazioa aberasteko eta indartzeko tresnarekin asmatu genuela sinistuta geunden.
Baina, bat batean, anonimo bat hasi zitzaigun batere logikarik ez zuten komentarioak egiten. Hasieratik ikusi genuen honen asmoa ez zela iritzia ematea edo parte hartzea. Proiektua izorratzeko komentarioak ziren; jendea nazkatzeko komentarioak. Eta hala gertatu da: jendea nazkatu egin da. Hala esan digute ingurukoek eta lagunek. Jendea gero eta gutxiago sartzen da gure webgunean, eta komentarioak izugarri jaitsi dira.
Hau omen da Internet. Hala entzun nizun proiektua martxan jarri aurretik izandako batzar batean. Baina, Internet hau bada ere, guk arazo honi irtenbideren bat eman behar diogu. Eta ahal den azkarren, gainera. Zuk zer egingo zenuke, Iban?
Nik egingo nukeena, laburtuta (e-posta jakinez gero):
- Zuen webgunean albiste bat egin joko-arauak zein diren azalduz. Guk goiena.net-en arau hauek ditugu. Erakutsi zuen webgunean ezin dela edozer egin, serioa dela gunea.
- Karta atsegin-atsegin bat idatzi eta ezizendun horri zuzendua. Berari bidali. Zuek arazotzat daukazuena komentatu e-posta batean.
- Esan Internet askatasuna dela, baina erabiltzen jakin behar dugula askatasun hori. Askatasuna ezin da edozelan jokatzearekin parekatu, eta bera editorea ez den webgune batean gutxiago.
- Zuen webgunean erantzunak ematea libre dela, baina horrekin espero duzuena albistea garatzea, osatzea, hobetzea dela. Baita iritzi ezberdinei lekua egitea ere, baina beti, errespetutik.
- Ez zaudetela anonimoei plaza eskaintzearen kontra, baina aipatu zuen webgunea egokiago ikusten duzuela izen-abizendun jendeak hornitua ahal bada, edota gutxinez anonimotasunaren izaera aprobetxatzen ez dutenekin.
- Badaukala gura duen moduan idazten jarraitzeko aukera. Zabaldu dezala blog bat. Blogak.com, blogari.net… badaudela modu erraz eta doakoak. Han bai, han esan eta idatzi ahal izango duela gura duena, bideoak jarri ahal izango dituela, podcastak egin… bera izango dela bere buruaren editore eta “zentsore”. Askatasun guztia izango duela.
Eta ez badu kasurik egiten?
- Jarri webgunean posta helbidea derrigorrezko, iritzia eman ahal izateko. Helbide hori konfirmatzekoa izan behar da. Horrela beste gutunen bat ere bidali ahal izango da.
- Umorea izanez gero saiatu berriz beste gutun batekin. Ia bigarrenean kasu egiten duen…
- Lehenengo gutun horren sinatzailea izan daiteke hedabidearen zuzendaria. Bigarren gutunean gunean bertan parte hartzen duten batzuk, edo zuzendaritzakideak, edo zuen elkarteko kide ezagunak, edo… dozena erdi izatea ondo. Izen-abizendunak izateaz gain ahal den jende pisutsuena.
- Oraindik ere kasurik ez? ba e-posta horri oztopoa jarri. Blokeatu partehartzea.
- Beste e-posta batzuk ere sortu ditzakeela? ba bai, baina beti egongo da berriz ere sarbidea moztea. Sortu blokeatuen zerrenda.
- Jarraitzen duela? izan zuek hobeak teknikoki bera baino. Antzeman, aurreratu.
- Jende horren zein beste edozeinen mezuak ere tentuz jarraitu eta tonoz kanporako guztiak ezabatu. Ez joan itsu-itsuan ezizen baten kontra. Egin jarrera baten kontra, berdin da izena.
Eta oraindik ere ez?
- Ba erregistroa gogortzea da posibilitate bat, baina ez nuke erabiliko azken-azken puntura heldu arte. Eta orduan ere… Nik zalantza dut. Sinisten dut jendea ez dela berez oker-okerra.
- Puntu honetara helduta beste zerbait pentsatu behar, baina izan daiteke berari blog bat egitea eta txukun-txukuna egitea eta blog komunitate berri bat zabaltzea zuenean eta bera horko parte bat izatea. Izango luke anonimo jaunak edo andreak bere lekua eta finito! Blog horren irakurleak? bere jarreraren arabera, zelan ez. Normalean gutxi. Baina zuen webgunean bake piska bat eta berriz ere informazio serioa emateko aukera.
Eta hau guztia planteatzen egote hutsak esan gura du webgunea irakurri egiten dela, komentatua dela, kalean ere badagoela jarraipena, sarean baduela eragina… Zorionak! gauzak ondo egiten zabiltzate!
Lehen ataleko 6. puntuari dagokionez, Blogak.com eta Blogari.net-en askatasun osoa izango duela anonimoak…
Blogak.com-eko baldintzetan:
Zerbitzua aldi baterako edo eperik gabe eteteko eskubidea gordetzen du beretzat Blogak.com-ek. Etete horietarako ez da beharrezkoa izango aurretiazko oharrik, eta ondorioz gerta daitezkeen kalteen gaineko erantzukizunik ere ez du hartuko Blogak.com-ek.
Eta Blogari.net-ekoetan:
Blogari.net-ek bertan dauden blogetan abisurik gabe bertako eduki osoa edo zati bat ezabatzeko eskubidea erreserbatzen du. Baldin eta honek erabiltze baldintzak betetzen ez baditu edota edukia ilegala bada.
Arazoa da bai, ematen du jendea bandalizatzen hobeto pasatzen duela zerbait konstruktiboagoa egiten baino.
Anonimoa bakarra bada ongi, baina asko izatekotan pikutara bidali dezakete webgune/bloga, edota izaera irekia zanpatu (komentatzeko erregistratuta egotea ezinbesteko baldintza moduan jartzera behartuta ikusten baita askotan blogari edota webmasterra), fotologak kasu.
Nire kasuan, ez nintzateke Iban bezain pazientziaduna izango, artaziak hartu ta hasiko nintzateke zentsuratzen.
Trollari idazten hastea alferrik izango da seguru aski. Nire aholkua:
Eskerrik asko iritziagatik, Luis. Gogorra haiz gero, e? Esango diot lagunari jokatzeko modu hau ere badagoela: “Etsaia suntsitzeko taktika egokiena indarkeria maximoa da”. Sustatun heldu ginen indarkeria aplikatzera ere eta ondo atera zen orduan. Gerrero eskasa zen, antza. Baiña gudari ona bada? Galtzeko prest gaude?
Nik gerra ez egitearen hautua egin dut, goiena.net-en egin genuen. Irabazteko asmoz egindako determinazioa izan da hau:
Hasteko argitu nahi dut zuek gelditu nahi duzuena ez dela erabiltzaile
anonimo bat, baizik eta erabiltzaile gogaigarri bat. Erabiltzaile hori
erregistraturik egoteak ala anonimoa izateak, zuek bera zentsuratzeko
duzuen errestasuna besterik ez du aldatzen.
OHARRA: irakurri ahal izan dudanagatik, erabiltzaile hori gainera ez da
guztiz anonimoa, sasi-anonimoa baizik, izenorde berdina erabiltzen bait
du komunitate horren barruan. Beraz, guztiz anonimoa izango litzatekeen
erabiltzaile batek baino gehiago lantzen du bere identitate. Honek ez
du zergatik ezer aldatu behar, baina argitu nahi nuen gauza bat da.
Luistxok dioen bezala, benetako troll batekin eztabaidatzea guztiz alferrikakoa da, baina egia esan troll mota desberdinak daude eta kasua hobeto ezagutu gabe ezin dut arazoa hobeto sailkatu eta irtenbiderik egokiena nondik joan liteke asmatu.
Egoera honi teknikoki nola aurre egin pentsatzen bazabiltzate,
erabiltzen duzuen softwareak izan ditzakeen tresnak kontutan izan
beharko zenituzkete. Adibidez:
ematen dute. Iruzkinak editore batek onartu arte ez dira webgunean
ikusten. Era honetan, erabiltzaile guztien iruzkinak norbaitek aztertu
arte ez dira ikusten eta feedback delakoa moteltzen du. Trol hori
nekatu arte erabili dezakezuen aukera bat da.
softwareak (edo Apache bezalako web zerbitzariko logak ondo kudeatzen
badakizue) bidalketa bakoitza, iruzkin bakoitza eta irakurketa bakoitza
nondik egiten den jakin dezakezue. Egun batzutan zehar azterketa egin
ondoren, trolaren IPa jakingo duzue. Ez hori bakarrik, erabiltzen duen
nabigatzailearen izena eta bertsioa ere bai (agentea deitzen dena).
noizean behin. Erabiltzaileak orain arte izen berdina erabili duela
jakinda eta bere IPa aurkitzen zabiltzatela ez dakienez, bapatean bere
iruzkinak moderatu ahal izango dituzue. Gero, argitaratu nahi duzuen
zerbait badago, bidea eman diezaiokezue inongo arazorik gabe eta lehen
aukeran bezala webgune guztiko bidalketa guztiak banan-banan onartu
gabe.
Azkenik, erabiltzaile horren e-posta ez badakizue ez keskatu, jende
honek iruzkinak ondo irakurtzen bait ditu eta zerbait esan nahi baduzue
berak parte hartu duen artikulu batetan (bere ekarpena kendu eta gero
edo mantenduz), Ibanek proposatutako mezuak jarri ditzakezue.
Trolak erantzungo du ala ez, baina zuek esandakoak irakurriko dituela nahiko seguru egon zaitezkete.
Webgunea erabiltezina egiten saiatzen diren erabiltzaile kabroiagoak
daude (script-ak erabiltzen dituztenak, spam-a bidaltzen dutenak,
etab.). Beraz, animo, egoera honi konponbidea emango diezuela uste dut
eta. Lagundu izana espero dut!
Bai Txopi, erabiltzaile gogaikarri bat da edo mezuan esaten nuen moduan “zer egin gura ez ditugun anonimoekin?” Beraz, gura ez dugun anonimoa.
Ados nago zurekin, Txopi: Teknikoki erabiliko zenituzkeen erremintak azaldu dituzu eta horiek dira erabili daitezkeenak, bai.
Eskerrik asko emandako laguntzagatik. Arazoa duen webgunearen editoreak eskertuko du. Ni gehiago zentratu naiz aurreko pausoetan. Ahal bada ulertarazten saiatuko nintzateke eta gero zuk esandako denak aplikatzearen aldeko ni ere. Seigarren puntuan nioen moduan: “Jarraitzen duela? izan zuek hobeak teknikoki bera baino. Antzeman, aurreratu”.