Azkenaldian oso lan diferenteak egitea tokatu zaigu lan egiten dudan
Arteman enpresan: publizitate kanpainak, RIP
taldearen DVD-CDaren errealizazioa
eta lan grafiko osoa edo argitalpenen desberdinen diseinua, adibidez.

MUniversitas izena du
diseinatu dugun azken aldizkari korporatiboak. Urtean hiru aldiz kaleratuko
da eta Mondragon
Unibertsitatearen enkarguz egin
dugu.

Oso gustukoa dut paperezko argitalpenak diseinatzea eta hurrengo asteetan
ere (lehenago, prentsako irakurleak edo zuhaitzak bukatzen ez badira,
behintzat) antzeko jardunean ibiliko naiz, hasi gara-eta
Goienkaria berria diseinatzeko
lanetan. Artemanen, alde grafikoaz arduratuko gara eta Goienakoekin arituko
gara elkarlanean…

Elkarlanean, eta jendearen aurrean gainera…

Kontua da, guretzat berria den gauza bat probatzea erabaki dugula.
Goienkariaren diseinu (kazetaritzakoa eta grafikoa) berriaren urratsak eta
honen gaineko komunikazio osoa modu desberdinean egitea pentsatu dugu, eta
beti bezala, azken txanparako utzi barik, hasiera-hasieratik, prozesu
guztiaren berri Interneten emango dugu. Horretarako, Goienkaria
berritzen bloga jarri dugu abian.

Esperimentuak interesgarria ematen du, ala? Nik, bietan idatziko dut, han
eta hemen. Han, bulego orduetan eta hemen, lanetik kanpoko ikuspegitik.
Ikusiko dugu zer irteten duen..

admin