Tipografia ugari dago sarean; horietatik asko ordainduz gero bakarrik eskura daitezke, baina badago beste mordo bat ere debalde har daitezkeenak. Debalde eskuragarri dagoen tipo mota horietaz jardungo dugu.
Edozein bilatzailetan free fonts edo horrelakorik idatziz gero, ehunka orri agertzen da; hori bai, kalitate aldetik begiratuta, dena ez da urrea izaten. Hala ere, merezi du ahaleginak, gauza ederrak aurki daitezke-eta.
Aldekoak? Ba, horixe, asko direla eta debaldekoak! Gainera, oso aproposak izaten dira fantasiazko lanetarako, testu motzetarako edo zorroztasun tipografiko handirik eskatzen ez duten zereginetarako.
Kontrakoak? Batzuk ez direla oso fidagarriak izaten ez badira trazatzen (marrazki bihurtzen) eta irudia tratatzeko programekin lantzen, edo beste batzutan, bakarrik maiuskulaz osatutako alfabetoa izaten dutela aukeran.
A! Oñatiko andereño moñoño hori ñiki-ñakazale amorratua da edo antzekorik idazteko asmotan bazabiltza, argi ibili, askok ez dute-eta ñ-rik izaten.
Hona hemen pare bat helbide:
- Rotodesign Gutxi baina politak.
- 1001freefonts Asko eta denetik.
Kasualidadea gaur topatu dut erreferentzia hau sarean. Typographica blogeko irakurleak 2004ko tipo gogokoenak aukeratu zituzten. Hemen zerrenda
Horra beste bat, neri gutxienez asko gustatzen zaidana: http://www.dafont.com