Jakinekua da motor, cuad, rand-rover eta antzerakuen erabilera okerrak gure herriko mendixetan zenbat txikizio egin izan daben. AHT eta bestelako makroproiektuen txikiziñuekin kritikuak garan moduan ezin dogu laga gure herriko mendixak holan apurtzen.

Asentzio babesteko hainbat lan egiten dihardu Elgetako Udalak. Edurra aitzaki moduan hartuta gira eta buelta ibili dira atzo eta gaur artian Asentzioko lanen gunian. Bidia apurtuta, aparkalekua apurtuta… Holako jarrerek ekartzen daben bakarra da obria atzeratzia eta gastua haunditzia.

Tontolapikuek bakarrik egiten dittue holako gauzak.

Eitb-ren inguruan ez dut inor ondo berba egiten entzun aspaldian. Nik ere ikusi eta entzun dudanak ingurukoen iritzia konpartitzera eraman nau. Gaur iritzi artikulu interesgarria irakurri dut eta uste dut merezi duela zuk ere irakurtzea.

Badago zer konpondu Eitb-en, konpontzeko gogorik ba ote dagoen nire zalantza.

Urtarrillak 25ian Markel Olano Gipuzkoako Diputatu Nagusiaren bisita izango dogu Elgetan. Aukera horri helduko dotsagu Diputaziñuarekin hainbat proiekturen gaiñian berba egitteko:

– Sahiesbidia.
– Domingo Iturbe patronatuaren eraikiña.
– Gerra Zibilan inguruko ibilbide tematikua.
– Bide gorrixak: Elgeta-Asentzio eta Elgeta-Larrabilzehar.
– San Roke kalian ur tuberixak barriztu eta adokinak aldatzia.
– Elgetara gasa, fibra optikua eta interneteko konexiño egokixak igotzia.
– Ur zikinak bideratzeko lanak.
– Kiroldegixan egin leizken egokitzapenak.
– Herri lurretan bertako landaredia mantentzeko aukerak.

Datorren urteko E-planan barruan Zapaterok 113.513 € bideratuko dittu Elgetara. Abenduko hirigintza batzordian landuko dogu hau gaixau eta gure taldian hasi gara proposamen desberdinak lantzen. Gurako neban jakin zure iritzixa. Zer inbersiño egingo ziñuke diru honekin?

Ukurridu ahal jatzun dana ezin da egin diru laguntza honekin, baiña idea gehixenak aurrera eruateko modua topau leike auste dot. Hemen informaziño gehixau.

Nafarroan badago ohitura norberan herriko jaixak diranian edo ekipamendu garrantzitsu bat inaguratu bihar danian eskualdeko udaletxetako alkate eta zinegotzixak gonbidatzekua. Batzutan bazkaltzera, beste batzutan proiektuak ezagutzera… Kazetarixetatik hurrin harreman normalak eukitzeko kapazak be badira UPN, CDN, IUN, PSN, NA-BAIko zinegotzixak, ANVekuek be horretarako arazorik ez dakela esango nuke, baina hiru zinegotxizak ez dira udaletxe barriko inagurazio ofizialera sartu. Alkatetza eurak euki bazeben egongo ziran, ez daukat dudarik.

Xabi Lasa, Berriozarko alkatiak gonbidatuta egon naiz udaletxe barriko inagurazio ofizialian. Pleno aretuan Nafarroako bandera bakarrik topau dogu eta udaletxeko balkoi nagusixan Europakua, Española, Nafarroakua, Berrioazarkua eta… ikurriña. Hori posible egiteko jaso giñuan gonbidapena eta juan gara. Zizurren Aintzane Ezenarro gonbidatu zeben jaixen hasierako ekitaldira, eta han be ikurriña balkoian.

Gura dozuen danetan juango gara.

Ez nago ados Espainiako Auzitegi Gorenan jurisprudentziakin, non talde bateko kide izatia 
nahikua dan terroristatzat hartua izateko. Honek, hankaz gora botatzen dau Zigor
Kodiaren oinarrizko araua: delitua pertsonala dala; inoiz ez
taldekakoa. Pertsona batek delitu zehatzen bat egin
daben zantzuak badare, zabaldu ikerketia,
eta frogarik badago, atxilotu. Zorionez dana ez da ETA gure herrixan.

Estatutuak hain gustoko dittuan talde atxiloketei erantzuna tripekin baino buruakin eman bihar dotsagu. Ez nago ados atxiloketen aurrian batzuk, gutxi batzuk, kale borrokaren aukerari heldu izanakin. Hori estatuari arnasa emotia da. Batasunak argitaratutako agirixek ez dotse lekurik lagatzen horrelako indarkeria ekintzei. Erabaki unilateralak hartzia, inoren zain ez egotia… zentzu horretan ulertzen dittut nik. Hortxe dago esperantza. Estatuaren estrategia ikusita, isiltasuna eta erabaki eza, gaztiak kartzela bidian ipintzia da.

Horren harira iritzi artikulua idatzi dogu Berrian: Zenbat “noiz arte”? Zertarako?

Esana zuen Amnistiaren Aldeko Mugimenduak epe motzean polizia operazio handia gertatuko zala, eta gaur egon da.

Horrelako operazioek gehiago dute estatuaren indar erakustaldi zantzua beste ezer baino, atxiloketa telebisiboak.

Auskalo zenbat denbora inkomunikatuta, torturak, auskalo zenbat denbora kartzelan preso prebentibo moduan… Gatazkaren alde honetan ere, egon badago sufrimendua.

Badira urte batzuk Euskadik 3 eta 1 irabazi ziola Boliviari. Ezkerreko hegalean Bixente Lizarazuk jokatzeak ematen zion izena eta izana gure selekzioari. Gaur  UPyDek ekarri du Españako selekzioan gurean jokatzeko proposamena, eta babestu dute PSE eta PPek.

Guk Españako selekzioak gurean partida ofiziala jokatzeko proposamena egin dugu, beti ere Euskadiko selekzioaren kontra bada. Gabonetara begira ez litzake aukera makala: partida ofiziala eta Españaren kontra. Izana topatuta izenak galduko gaitu.

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

“Ez dugu inoren zain egon behar”. Gustura irakurri neban
domekako egunkarian, aurretik irakurrita nekan arren. Poztekua da punto honetara elkartu izana. Horregatik,
garrantzitsua da lagunartian moduan gainontzeko leku danetan be, inoren zain egongo
ez garala argi eta garbi esatia. Bereziki esan bihar dan lekuan esatia, horrek
azkartuko dau eta danok bidia alkarrekin egitia. Izan be, itxura baten danok batera
egitekua da egin biharreko bidia. Danek eskertuko dabe argitasuna, preso
politikuek eta ihes eginda darenek, herri bateko eta besteko zinegotzixek,
militantiek, pentsau gura dot bide zibillen alde egin gura ez dabenak be
eskertuko dabela.

Gurako neban, oinguan, politikaren aldeko apostua egiten
dogunok irabaztia indarkeriarekin apostua inposatu izan dabenen aurrian. Horretarako
berba argi egin eta pausoz pauso irabazi bihar dogu tartia. Erreza ez dan
arren, ondo dakigu hori aralarzaliok, ausart jokatu eta zehaztasunak
plazaratzeko denboran gare, indarkeria eszenarioa gainditu bihar dala esatatik
hildakorik onartuko ez dogula esaterako jauzia egiteko denboran. Eta domekako zehaztasun
faltak, zalantzan ipintzen dau borondatia ekintza zehatzetan bihurtuko ete dan.
Baina nahi dotsat heldu itxaropenari, borondatia zintzua dala pentsatzen
dot eta.

Sasoi barri bati ekin bihar dotsagu. Hartu
biharreko erabakixak hartzeko kapazak bagara, ezkerrekuak eta abertzaliak
garenok dana daukagu irabazteko. Bide horretan argigarrixa da Gipuzkoako Foru Aldundiak
gure herrialdeko gaztien artian egindako inkesta. Soziologikoki ezkerrekua eta
abertzalia da Gipuzkoa. Esku artian daukagun aukera pasatzen lagatzen ez badogu,
eta denbora beti gure kontra doia, ezker abertzale politikua, bateko eta
besteko sensibilidadiak batuta, indartsu egongo da gure herrialde eta
herrixetan.

Horretarako baina, ezin gara inoren zain egon. Esan
bihar dan lekuan esan bihar da jauzi egiteko denborak
datozela.

Alkatetza ardura hartu ginuanian, argi genkan, gure etxebizitza politika ez zala oinarrituko herri ondoko landak okupatzian. Gure apustua izan da erantzun bat emotia herrixan hutsik zeren eraikinei. Eguaztenian, 19:00etan, udaletxian aurkeztuko dugu Birgaitze Plan Bereziaren Aldaketa Proposamena.

Urte erdi inguruko lana da aurkeztuko doguna, Iban Retolaza hirigintza buruak ederto baiño ederto garatu dabana. Hirigintza batzordian adosten juan gara dokumentuaren aldaketa nagusixak. Eta proposamenak jasotzen dittuan aldaketa garrantzitsuenen eraikinen jabiekin bi eta hiru eta lau batzar egin dittugu.

Proposamena labur:

1.- Hutsik zeren eraikinen errehabilitazioa bideragarri egin dogu: kasu batzutan bolumenak gehitzeko aukerak emonda eta baitta etxebizitza gehiaxau egiteko aukera emonda be.
2.- Babestutako hamaika etxebizitza egiteko aukera jaso da.
3.- Lokalak eta ganbarak etxebizitza bihurtzeko aukera egongo da. Beti be, erdigunia komertziorako mantenduta.
4.- Aparkaleku bat egiteko aukera, biharra badakagu eta.

Bizi dogun egoera ekonomikuan ez da samurra izango epe motzian proposamena garatzia. Baiña, jarri dogu oiñarrixa hirigintzatik be garapen jasangarrixa bultzatzeko.