75 urte Intxorta/Elgeta

75 urte beteko dira martitzenian, Francoren tropa faxistek Elgeta hartu zebela. Armatan askoz be makalaguak izanda be zazpi hilabetian eutsi zeben miliziano eta gudarixek frentia Intxortan. Eta gogoratu biharra dago republikaren kontra altxatutako tropek zazpi hilabeteren ostian, lau egunez hainbat eraso eta bonbardaketa egin arren ez zebele lortu Intxorta gainditzia. Elorrixo hartu zebela konturatuta, Intxortako trintxerak laga egin bihar izan zittuen errepublika eta gure herrixa defenditzen ari ziran miliziano eta gudarixek.

Zazpi hilabeteko bonbardeuek Elgeta txikitu egin zeben. Gutxi izan ziran tente geratu ziran eraikinak. Baina frankoren tropentzat hori ez zan nahikua izan. Seguruena zazpi hilabetietan jasotako porrotek eragingo zeban, Elgeta hartu zebenian arduradunek euren gizonei gura zebenak egiteko askatasuna emotian: fusilamenduak, emakumeekiko errepresio basatia, bortxaketak, behartutako lanak… Horretan egunotan 15 lagun izan ziran erahilak Elgetan. Txikituta geratu zan gure herrixa eta bederatzi urteren ostian jaso zeben lehenengo eraikina, udaletxia. Etxerik bariko batzuk gudari eta milizianuek Intxortan laga zittuen refugixuetan bizitzia beste aukerarik ez zeban izan, herrittik alde egin zeben askok ezin izan zeben urtietan Elgetara bueltau.

75 urte pasau diran arren, inork ez dau egindakuagatik barkamenik eskatu. Askorentzako berandu datoz gaurkua moduko ekitaldixak. Gertatutakuaren egia ezagutzia, genozidio hura egin zabenak justiziaren aurrera eruatia eta erakunde publikoek kalte-ordain neurriak ezartzia litzake eurentzako eta euren senidientzako omenaldirik onena. Gure herriaren kontra altxatutakoek aurrera eruan zeben genozidioaren biktima guztiek, jaso deixela gaur Intxortako magaletik, itxaropenari zabaldu gura dotsagun atetik, elgetarron berotasuna eta maitasuna. Daukagun indar guztiakin jarraittuko dogu egixa, justizia eta erreparaziñua aldarrikatzen. Izan be, aurrera egingo daban herri batek derrigorrezkua dauka iraganaren barri izatia, gaur egun gertatzen diharduana ulertu eta etorkizuna eraikitzeko.

Urtarrilak 7an, elgetarrok be Bilbon!

Euskal Preso Politiko danen eskubide danak eskatuko dittugu elgetarrok Bilbon urtarrilak 7xan.

Udalbatzarrian aho batez onartu dogu Aralar-Independienteak, Bildu eta EAJak hurrengo moziñua:

1.- Udal honek, bizi dugun aukera historiko honen aurrean, Euskal Preso Politiko guztien eskubideen errespetua eskatzen du. Hala nola, besteak beste, dispertsioaren amaiera eta preso guztien Euskal Herriratzea,  gaixotasun larriak dituzten presoen askatzea, zigorra beteta dutenen askatzea eta adierazpen askatasuna.

2.- Udal honek datorren urtarrilaren 7an  Euskal Preso Politikoen eskubideen alde burutuko den Manifestaldiarekin bat egiten du.

3.- Gure udalerriko eragile guztiei deialdia luzatzen diegu urtarrilak 7ko mobilizazioarekin bat egin  eta beronen eskutan dagoena egin dezaten bere ekimen kultural, sozial edo kirolaren alorrekoen ordutegiak berau indartze aldera kokatu ditzaten.

4.- Herritarrei deialdi zabal eta anitza luzatu nahi diegu ezberdintasun politiko guztien gainetik giza eskubideen alde urratsa eman eta mobilizazioan parte hartzera.

Etxean bai, baina ez libre!

Poztu naiz Jose Luis Elkorok Martuteneko ziegatik etxerako bidea hartu duela esan didatenean. Bide berdina jarraitu behar lukete gaixotasun larria izanda preso jarraitzen dutenek. Baita zigorraren hiru laurdena beteta dutenek ere. Politika egiteagatik ere ez luke inork kartzelan egon behar.

Berriak zehatz jaso ditudanean ordea ikusi dut estatuaren jarreran ez dela aldaketarik somatzen. Pultsera telematikoa jarri diote Jose Luisi, eguerdiko 13:00etatik hurrengo goizeko 8:00ak arte etxean egon beharko du, ekimen politikoetan parte hartzea debekatu diote, berdin zuzenean ala zeharka eta astero Martuteneko espetxera joan beharko du sinatzera.

Gernika: oraingoan bai

Normal
0

21

false
false
false

ES
X-NONE
X-NONE

MicrosoftInternetExplorer4


/* Style Definitions */
table.MsoNormalTable
{mso-style-name:”Taula normala”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;
mso-bidi-font-family:”Times New Roman”;
mso-bidi-theme-font:minor-bidi;}

Euskal Herrian errotzen ari den bake itxaropenaren aurrean, Lopez
eta Sanz jaunek irabazle eta galtzaileak dauden eskeman jarraitzen dute, bake
eta normalizazio bidean lidergoa hartu gabe, ezetz eta ezetz.

Gernikan Batasuna,
Aralar, Eusko Alkartasuna eta Abertzaleen Batasunak, eta hainbat eragile sozial
eta sindikalek, baietz esan genuen, konpromisoak hartzeko sasoia dela. Estatuari
eskubide zibil eta politikoak berrezarri eta preso politikoei dagozkien
eskubideak errespetatzeko eskatu diogu. ETAri jarduera armatua behin betiko
uzteko bidean, atzera bueltarik ez duten pasuak emateko. Azken finean, besteak
egiten duenari begira egon barik, aldebakarreko pausuak emateko eskatu diegu
Estatuari eta ETAri.

Urteak joan
eta urteak etorri, gero eta gehiago gara ezkerrekoak eta abertzaleak izanda
bake bidean argi hitz egiteko pausua eman dugunak. Berria da Batasunak ETAri
aldebakarrekoa, iraunkorra eta egiaztatzeko modukoa den su etena eskatzea.
Horregatik, duen balioa eman behar diogu agiriari. Azken hori berria da eta
niri behintzat aurrerapauso handia iruditzen zait.

ETAk, Estatuak eta ezezko jarreretan daudenek entzungor jarraitzen duten
bitartean, Gernikako sinatzaileok heldu egin behar diegu hartutako
konpromisoei. Hitzak ekintza bilakatu behar ditugu. Antzinako jarrerak alde
batera laga eta Euskal Herriak merezi duen bakeari behar den erantzuna eman.

Don Juakin

Ez dira garai onak pertsona onekin parez pare egiteko eta batzutan suertatzen da. Suertatzen da bakoitzak euki geinken karakterrak eta eritzi erlijirosuak, eta bestelakuak, alde batera lagatzen asmatzen dogula eta herrixan alde egin. Elgetan alde dezente egin daban Juakini agur esan gontzan atzo. Agur Juakin!

Ume moko bat  nintzala entzun neban goibekokaleko ordenadoriek bazekela lagun bat atzian. Aurrerago Espaloiak be euki zittuan bidelagunak, bat goibekokalek euki zeban berdiña.

Euskara. Kulturia. Bidelaguna. Juakin. Don Juakin. Elgetan, herrigintzan, faltan botako dogu.

Eguna ipiñi biharko dogu topa egiteko, juandako eta garenon alde. Gora gu ta gutarrak! Gu be juango gara eta… elizatik eta zibiletik.

Txontxongiloak baiginan

“Debekuaren aurrean manifestazioa” pentsatu nuen atzo. Izan ere, zilegi da giza eskubide eta eskubide zibil eta politikoen alde manifestazioa egitea. Ez dena zilegi da 40tik gorako eragile politiko zein sozialen eta ehunka herritarren babesa norberaren interesen arabera erabiltzea.

Elkarlana ulertzeko modu batzuk ez ditut ulertzen. Sasoi berriak eskatzen du aintzinako jarrerak alde batera lagatzea.

Aho batez Udalbiltzan auziperatuen alde

Aho batez onartu genuen atzoko Udalbatzarrean, Udalbiltzako auziperatuen aldeko mozioa, puntu hauekin:

1. Aldarrikatzea 1999ko irailean Euskalduna jauregian egindako batzar sortzailean onartu ziren bost helburuen alde lan egitea beharrezkoa eta zilegi dela eta ezin dela delitutzat jo. Helburu eta lan-ildo horietan aurrera egiteagatik hautetsi eta alkateak kriminalizatzea demokraziaren aurkako ekimena da, are gehiago kontuan hartuta epaituak sufragio unibertsalez aukeratutako herri-ordezkariak direla.

2. Konpromisoa hartzea, edozein arlo instituzionaletan, demokratikoki aukeratutako ordezkariek Euskal Herriko lurralde eta eremu administratibo guztietako instituzioak sortu, bultzatu, garatu eta finantzatzeko duten eskubidea errespetatzeko.

3. Udalbiltza eta bertako hautetsi eta langile ohien aurka Madrileko Auzitegi Nazionalean eramaten ari den auzibidea irmoki salatzea eta Estatuko Gobernuari eskatzea Estatuko fiskal nagusiak gaur egun mantentzen duen akusazio publikoa erretira dezala.

4. Epaiketa gertatu bitartean, irailaren 17an plazan 20:00etan kontzentratzera deitzen ditugu herritarrak, era isilean elkartasuna adierazteko.

Libre! Horrela gura ditugu auziperatuak. Jarraitu beza elkarlanak bide horretan. Eta ikasi dezagun, bestelako hainbat ekimenek ere behar baitute denon bultzada.

Zelakua gura dok/n Elgeta 2020xan?

Iraillian herritarrek parte hartzeko ekimen bat jarriko dogu martxan. Oiñezkuen kalietan ibilgailuen arautegixakin edo etorkizunera begira kiroldegixak dittuan biharrak zehaztiakin egin dogun moduan, herrittarrok dauzkazuen iritzixak jaso gura dittugu. Jaso eta betetze bidian ipiñi.

Gipuzkoako Foru Aldundixa euko dogu bide lagun ekimen honetan: Elgeta 2020, etorkizunera begira! Atzo siñatu giñuan hitzarmena, eurak dira eta ekimen honi diruakin erantzungo dotsenak.

Eta zalantza sortzen jata, legealdi honetan 40 udaletxek parte hartzeko ekimen zehatzak martxan jarri badittugu eta parte hartzian inguruko arau foral bat onartuta badago, kultura politiko barrixak ez ete daban eskatzen hitz eta letren ostian gipuzkoarroi gure iritzixak galdetzia herrialdeko gaixen inguruan. Ia zer pentsatzen dogun Pasaiako portuan edo zabor kudeaketaren inguruan. Ia zer pentsatzen dogun zerga politikaren inguruan. Ia… Herrixak gertu gare kultura politiko barrirako, erakunde haundixauek aukera dauke ekintza konkretuekin hitzak eta ekintzak uztartzeko.