ASTEBURUARI BEGIRA; EKAINAK 23/ 24

            San Juanek elizarekin duen harremana argia da. Ekainaren 24a San Juan eguna dugu; herri eta auzo askotan jaiak dituzte. Baina San Juan bezperan suaren inguruan egiten den jaiak ez dauka beti eliza giroarekin harreman zuzenik. Jai paganoa dugu; garaian garaiko sorginek, esate baterako, ospatzen zuten festa paganoa. Sutan uzten dituu aldarte okerreko objetu ezberdinak; sutan erreko baitira izpiruturik maltzurrenak. Eta erretzearekin batera, eguzkiari argitasun handiagoa eskainiko diogu; uda luzeago baten bila nonbait.

            Sutara boko nituzke kirol amateurrean asteburuan irakurri behar izan ditugun albiste negargarriak. Aitor Osa txirrindulari profesional ohiak positibo eman baitu mendiko lasterketa batean. Nahiz eta bere ibilbide oparoan ( E.H.ko itzulia irabazi zuen besteak beste) positiborik eman ez, Puertooperazio entzutetsuko zipristinek txirrindularitza uztera eraman zuten. Eta orain, amateur mailako lasterketa xume batean positiboa. Tristea. Ez al dugu amateurrok kirola ondo pasatzeko eta osasuntsu egoteko egiten?

            Sutan izan genuen, ezinean, Irujo handia Bilboko finalean. Aimarrek suzko errubedak bidaltzen zituen frontisera eta Irujok ezin erantzun. Iberokoak bere haserrea baretu aldera, ostiko batez atsedena hartzeko erabiltzen duten plastikozko aulki publizitario xelebrea xehetu zuen. Partidaren momentu batean epaile jakin batek izandako erabaki batek baldintzatu zuen Irujoren ustez azken emaitza. Kontuak kontu, Aimarrek egundoko partida jokatu zuen, fuera de serie, zorionak.

            Ingalaterran ere sua ezin itzali dabiltza. Italiak ixil ixilik finalerdikoetan jarri ditu oinak. Bretainiarrak Eurokopatikkanpo gelditu dira; nire apustua Frantziaren aldeko bazen ere, oilarrak, kokilduta, etxerako bidea hartu dute. Atzerritarrekin jolasten duen Españak itxura ederra dauka; gainera, Tolosar batek sartutako golak, goxoak benetan.

            Atzerritarrik gabe, geureak, Anoetan jokatu zuten Eslovakiarren aurka. Jokalari euskaldunak arrotasunez jantzi zuten Euskal Herriko kamiseta. Horrelako ekintzak txalogarriak iruditzen zaizkit. Eutsi.

            Jainko berri bat jaio zaigu; Decathlon frogan 9.000 puntuak eskuratu duen lehen atleta ezagutu dugu asteburu sutsuan. Bere izena Ashton Eaton; egundoko markak disziplina guztietan. Emaiozue begira da bat…merezi du.

            Ni neu Calahorra aldean izan naiz. Bero handia izan dugu, zeruari sua zerion. Bi egunetan orientazioko 3 lasterketetan hartu dut parte. Iparorratzaren erabilerak hamaika bihaleku sortzen dizkidan arren, hobetuz doaz orientatzeko beharrezkoak diren dohainak. Garai hobeak ezagutu izan ditut; igandeko frogan azkenengo helmugaratu nintzen baina baliza denak poltsikoan nituela, gaitz erdi.

            Bukatzeko zertzeladatxo batzuk aipatzea nahiko nituzke. Entzun berri dut, agian, Rijsen eskutik Festina pelotoira bueltatuko dela; eskandalu berriren bat sortzeko arriskurik???? Bestetik, Eneko Llanoszoriondu beharrean ere bagaude; Donostian jokatutako Onditz memoriala eskuratu du eta Kebrantan ere izan diren Debagoiendar guztiei zorionak.

            Krisietan krisiak egote aldera, sutetan txinpartak irudikatu beharko ditugu. Horren gaizto, horren behartsu; udak, adibidez, beroa ezezik bikiniak ere ekarriko dizkigu. Ondo ibili.