Mikrouhin labe batek bi sikario kontrata ditzake Negurin zuri bizia kentzeko.
Mikrouhin labeen artean klase borroka dago, baina tabernetako mikrouhin labeei ez diete sindikatzeko eskubidea aitortu nahi.
Mikrouhin labe batek begietara begiratzen badizu atzeraka oinez atera behar zara sukaldetik inoiz bizkarrik eman gabe.
Mikrouhin labe guztiek eliza usaina hartzen diete Jose Mari Pastorren larunbatetako entziklikei.
Mikrouhin labe bati hitz egiten dio Josu Erkorekak goizeko hiruretan esnea berotzen duenean, Alberto Beltrán ametsetan agertzen zaiolako.
Mikrouhin labeak maitemintzen dira indukzio plakez.
Mikrouhin labeek Nietzsche irakurtzen dute eta etengabeko itzuleraren jarraitzaile sutsuak dira.
Mikrouhin labe baten kristalezko diskoa jaurtiko balu Gisela Mauermaierrek aise gaindituko lituzke 48 metro eta 31 zentimetroak Berlinen 1936ko uztailaren 11n.
Berdin die mikrouhin labeei euskara batu eta euskalkien arteko eztabaidak.
Buruan zilar papera jartzen baduzu mikrouhin labe baten alboan egonagatik zure seme-alabak lotsaturik joango dira ikastolara.
Mikrouhin labeetan denboraren hondar aleak lurrera irristatzen dira.
Mikrouhin labeetan berotutako jakiei esker badakigu zer den azala bero eta bihotza izoztuta edukitzea.
Blog honetan datozen asteetan mikrouhin labeen arriskuei buruz jardungo dugu. Bizitzan, behin bada ere, denok egin dezakegulako topo mikrouhin labe batekin.