Azaroaren 30ean, Euskararen Egunaren harira, Bergarako Udal Pilotalekuan egingo digun Kantari flashmob erraldoirako koreografiak hemen dituzu.

Honako abesti hauetako koreografiak ikasi beharko dira.

• ‘Kantari’, Goiena.

• ‘Euskaraz bizi nahi dut’, Esne Beltza.

• ‘Udarako gau luzeak’, Vendetta.

Barruan dituzue dantza-pausuen hiru bideoak. Eta baita kantuen letrak ere.

Animo eta hasi egun handirako dantzak entseatzen!

Euskararen eguneko jaiaren egitaraua:

18:00 Kantari saio berezia (parte hartzeko 17:30ean Udal Pilotalekuan egon beharra dago)

18:30 DJ Festa Amaia Txintxurretarekin 16 urte artekoentzako.

Entseguak “oso eraginkorrak” izan direla azpimarratu du Amaia Txintxurreta Kantariko aurkezleak.

Kantariren laugarren edizioa ate joka dago, eta zapatuan Aretxabaleta eta Eskoriatzako neska-mutilek entseguak egiteko aukera izan zuten.
Guztira 148 neska-mutil pasa ziren Arkupe kultura etxeko eszenatoki gainetik eta, Amaia Txintxurreta gidariaren arabera, “entseguak oso eraginkorrak izan dira, izan ere, talde gehienek letra eta koreografia ondo ikasita zuten eta, beraz, datorren asteko zitarako oso baliogarriak izan dira entsegu hauek”. Goiza eta arratsaldea eman zituzten Arkupen gaztetxoek eta baita gurasoek ere; euretako asko gerturatu ziren seme-alaben koreografiak ikusi eta etxeko lanak eginda zituztela ikustera.

Konfiantza hartzea

Datorren zapatuko saioaren grabazioaren ordua iristean, oholtza ezagutzea eta taula gainean eroso sentitzea izan da entseguen helburua, horrela konfiantza osoz abestu eta dantzatu dezaten; eta  lortu dute, Txintxurretaren esanetan: “Bete dugu helburua. Gehienak urduri etorri arren, koreografia eta eszenografiaren kontu batzuk hobetu ditugu”. Txintxurretak neska-mutilen ilusioa eta gogoa ere azpimarratu ditu; aurtengo ediziorako gogotsu daudela azaldu digu.
Talde gehienek kantuen letrak eta koreografiak ondo ikasita zituzten zapaturako, beraz. Etxeko lanak behar bezala egin ez zituzten taldeek, berriz, aste osoa dute aurretik, hobetzen jarraitzeko.

Zapatuan estreinekoa

Beraz, dagoeneko Kantari martxan da eta, entseguak ikusi ondoren, datorren zapaturako dena prest dagoela esan genezake. Urriaren 19an, Aretxabaletako Arkupe kultur etxean izango da edizio honetako lehenengo saioa.

Kantarin parte hartzeko izena eman dute dagoeneko Debagoieneko 506 gaztetxok. Ikastetxeetan banatu genituen izena emateko orrien bitartez eman dute izena horiek. Eta ikastetxeen bitartez izena emateko epea amaituta, orain beste bi modutara eman dezakete gaztetxoek izena: 943 25 05 05 telefonora deituta edo idazkaritza@goiena.com helbidera idatzita.

Urriaren 2ra arte eman ahalko dute izena 2001. eta 2005. urteen artean jaiotako 8 eta 12 urte bitarteko neska-mutikoek, hiru eta bost pertsona bitarteko taldeak osatuta.
Kantarin parte hartzea guztiz doakoa da eta ez da derrigorrezkoa Goiena Klubeko bazkide izatea.

Kantuen banaketa

Zozketa bitartez banatuko dira abestiak eta gaztetxoen gurasoei iritsiko zaie mezu bat posta elektronikora edo mugikorrera jakinarazten zein kantu izango duen bere seme edo alabaren taldeak. Urriko lehenengo hamabostaldian bidaliko zaie mezu hori.
Mezua gurasoei
Mezu horretan zehaztuko zaie baita ere gaztetxoek nola ikasi beharko duten kantuaren letra eta koreografia. Kantariko blogean daude abestien letrak eta baita koreografia bideoak ere. Kantu bakoitzak bere dantzako pausuak ditu eta gaztetxoek bideo horren bitartez ikasi beharko dute koreografia. Edo kantuari eurek asmatutako dantza jarri nahi badiote, gaztetxoek aukera izango dute baita ere nahi duten moduan dantzatzeko. Baina garrantzitsua da letra eta koreografia ondo ikastea. Bideo eta letra guztiak blog honetan dituzue.
Gaztetxoekin entsegu labur bat ere egingo dugu ikuskizun egunaren aurretik. Entsegu hori izango da gaztetxoek aurretik etxean ikasi dutena errepasatzeko, ez da izango dantza bertan ikasteko. Eta helburua da gaztetxoek agertokia ezagutzea ikuskizunaren egunean lasaiago egoteko. Gurasoei bidaliko zaien mezuan jakinaraziko da entsegu tokia eta ordua. Ikuskizunaren egun eta ordua ere mezu horretan zehaztuko zaie gurasoei.

Informazio gehiagorako
Edozein zalantza izanez gero, galdetu iruzkinetan. Edo bestela, 943 25 05 05 telefonora deitu dezakezue zuen kezkak argitzeko.
Animatu eta hartu parte Kantariren laugarren edizioan!

Kantarin parte hartu eta Goiena Klubeko bazkide direnendako eskaintza esklusiboa.

Goienak eta Eroski Bidaiek Port Aventurara familia osoarendako bidaia zozkatuko dute Kantarin parte hartzen dutenen artean. Zozketan parte hartzeko baldintza izango da Kantarin parte hartzea eta Goiena Klubeko bazkide izatea (aita edo ama).

Bazkide ez bazara, egin zaitez lehenbailehen!

Hemen duzu eskaintza esklusiboa:

Egin zaitez Goiena Klubeko bazkide eta Port Aventurara joateko zozketan parte hartuko duzu. Orain, azaroaren 15a baino lehen izena emanez gero, 15 euro bakarri dira!. Eta izango zara Goiena Klubeko bazkide urte amaierara arte.

Bestalde, jakizu, 2014 urte osoko kuota 50 euro direla.

Bazkide eginez gero, etxean jasoko duzu Goiena paperekoa astelehenero eta beste hainbat abantaila izango dituzu:

• Astero egiten ditugun zozketetan parte hartzeko aukera.
• Deskontuak Goienaren iragarki sailkatu eta eskeletan.
• Goiena paperekoa pdf formatuan Goiena.net-en irakurtzeko sarbidea.

Eta familia osoarekin Port Aventurara joan ahal izango zara, horretarako zozketa berezia antolatu dugu-eta.

Zozketa egingo da Kantariren laugarren edizioaren amaieran, hau da, azken emanaldiko grabazio egunean. Arrasaten, Amaia antzokian, 2014ko urtarrilaren 19an.

Sariaren baldintzak:

• Asteburu bat: gau bi.
• Behe-denboraldian.
• Bi nagusi eta bi ume (12 urtera arte).
• Pentsio osoa.
• Port Aventurarako sarrerak egun baterako.

OHARRA: Saria ezingo da aldatu. Ezingo da beste bidai batengatik aldatu ezta diruarengatik ere.