Loiolako eta Donostiako Herri Irratien zuzendaria izandako Juan Lekuona hil zen, Iruñean. Euskal eta euskarazko irratigintzaren erreferentzia garrantzitsua izan zen Lekuona frankismoaren garaian eta geroko urteetan ere. Irratiko kazetari eta esatari ezagun askoren maixua izan zen.
Pello Sarasola Antena 3ra pasatu da. Hainbat urtez ETBko programazioburua izan ondoren Estatu espainiarreko kate pribatura pasa da. Mikel Lejarza izan zen horrelako saltoa egin zuen lehena (hura Tele 5era) eta orain hernaniarra izan da danbatekoa eman duena.
Joselu Blanco izan da bere ordez izendatu dutena. ETBn lanean aspalditik dabilen bilbotarra fikziozko produktuen erosketaz arduratu izan da orain arte.
Momentu egokia izan daiteke ETB1erako eta ETB2rako zuzendaritza-talde propioak ezartzeko eta euskarazkoari gaur egun ez duen sendotasuna emateko.