Arrazoia eman behar diot Mikel Irizarri, ditxosozko “arazoak” zenbateko ekinaldi, indar batuketa eta lorpen eskuratzetik desbideratzen gaituen.
Maite Artolaren Mezularian entzun nionean, pentsatu nuen Tren Lasterra, asfaltoaren kulturaz negozio egiten dutenak eta agintean kosifikatu diren hainbatek nahiago dutela “arazoa” bizirik mantentzea, bien bitartean beraiekin inor sartzen ez delako.
Hemen dagoen energia, gauzak aldatu gura eta talde-lanak ikara sortzen die.
Hamaika
Edorta Aranaren blog-a
Edorta, aberaskeriak azaltzen du batzuk ditxosozko “arazoa” etengabe elikatzen ibiltzea baina ez dira horiek elikatzaile bakarrak. Horrenbestez, euskal herritarron eguneroko bizimoduan eragiten duten beste arazo eraginkorragoak (AHT, euskara, politika fiskala, erraustegia, politikarien soldatak eta korrupzioa, hezkuntza eta osasunzaintzako gabeziak…) “denon” artean estaltzen “dihardugu”. Nire amorraziorako.
Eskerrik asko Pako Aristiren artikulua irakurtzeko eman didazun aukeragatik. Gehiegitan, harri txintxarretan trabatzeko arriskuan gabiltzan eguneroko joan-etorrietatik libre, goragotiko ikuspegi interesgarria ematen du Pakok. Perspektiba zabaldu egiten du.