Gaztetxokoak

Badira bi aste-bukaera erdiguneko gaztetxokoa zabalik dela. Poliki-poliki  martxa hartzen ari gara eta dagoeneko hamaikatxo ekintza burutu ditugu. Besteak beste, oporretako momentu berezienak elkartrukatu, udalekutako abenturak kontatu, pelikulak eta laburmetraiak ikusi, nagusien gunea birmoldatzeko asanbladak egin eta futbolin nahiz mahai-jolasei hautsa kendu…

Irakurri duzuen bezala, ez dugu aspertzeko momenturik izan eta aurrera begira ere, egitasmo mordoxka bat abian jartzeko asmoekin gabiltza.

Bi hitzetan esanda, ilusio eta motibazioz beterik ekin diogu ikasturte berriari!

ANIMATU ETA PARTE HARTU, GAZTETXOKOETAKO ATEAK PAREZ PARE ZABALIK IZANGO DITUZU!

Ostiralean maritxu kajoi! Jai berezia Arrasaten. Gaztetxokeroak kalera irtengo gara elegante jantzita eta gogotsu. 2013an moduan bost baietz lehiaketa izango dugu; Maritxuak, Euskal Herria eta Arrasateri buruzko  galderak erantzun beharko dituzte parte hartzaileek. Sariak ere izango dira parte hartzaileentzat. Parte hartu!

Ikasturtea modu politean hasi dute Musakolako gaztetxokoan, idea askorekin eta gogotsu ekin diote astean zeharreko dinamikari. Ostiralean berriz Gaztetxokoa goitik ikusi nahian mendira igo ziren!

HAN GAZTETXOKOA!!

Aste honetan irekiko dituzte ateak Gaztetxokoek!

Aurtengo hezitzaile taldean aldaketak izango ditugun arren aurpegi berririk ez! Ordutegiak berdina izaten jarraituko dute bai auzoetako gaztetxokoan bai eta erdigunekoan ere. 12-17 urte bitarteko gazte guztientzat mila aukera izango dira ikasturte honetan ere, etorri, proposatu eta gauzatu zuen ideiak!

Ikasturte honetako lan taldea, Auzoetako gaztetxoko  bakoitzean bi hezitzaile izango dira eta erdigunekoan hiru.

Eman diogu ikasturteari hasiera. Martxan gaude! Gogotsu ilusioz eta gauza berriak ikasteko prest! Urtero moduan Gaztetxokoak ireki aurretik Erguineko Jaietan ekintza bereziak egingo ditugu. Ostiral honetan nerabeentzako lehiaketa berezi bat egingo dugu Erguineko Gaztetxokoaren eskutik. Erguindongadak egiteko prest??

Agertu 17:00etan usaetxe plazara, egin zuen taldea, eman izena eta gozatu txapelketa berri  honekin!

Amaitu dugu ikasturtea! Aurten ere asko ikasi dugu gazte eta nerabeeekin batra, poz, negar, haserraldi, gatazka, ilusio ezberdinak konpartitu ditugu, ondo pasa dugu eta gaizki ere bai! Eskerrik asko danagatik! Gaztetxokoetako lan taldeak oporrak hartu ditu! Udaixe amaitu da Udalekueak amaitu dira eta zerbitzuek aspaldi itxi zituzten ateak!  Datorren ikasturtean elkar ikusiko garela espero dugu! Blog honetan jarraitu ahal izango gaituzue!!

Gaur ere disfrutatzeko eta abenturarako aukera izan dute Udaixen izena eman duten gazteek. Atxabaltan Uda-Ero egitasmoan izena eman duten gazteekin batera, Oñatiko Arrikrutz kobazuloetara txangoa egin dugu!

Kaskoak eta frotalak jantzita, eta espezializatutako gidariarekin, lurraren barrenetako iluntasunera sartu gara. Oso bizipen interesgarriak izan ditugu egunerokotasunean ezagutzen ez dugun inguru ilun, humel eta isilean.

Milaka eta milaka urtetan zehar naturalki sortutako mirariak ikusteko aukera izan dugu; estalktita, estalagmita, zutabe, banderolak, heliktikak,… Hauek nola sortu diren, koban zer bizitza dagoen eta izan den, eta beste hainbat kontu ezagutu ditugu gidariaren eskutik.

Asko disfrutatu dugu guztiok gaur naturak eskeinitako lurpeko paradisu honetan! Irteera paregabea gaurkoa!

Gaur, uztailak 8, eguraldiaren iragarpena ona eman ez duten arren, autobusa 9:30etan hartu eta Zarautzerantz abiatu gara Aretxabaletako Gazte Lekuko Udaerorekin batera.

Zarautzen Donejakue bidea hartu eta Getariarantz gindoazela, Gipuzkoako kostaz gozatzeko aukera izan dute gazteek. Bertara heltzean, euria hasi duen aitzakiarekin, geldiune bat egin dugu, zerbait jan eta jolasteko astia hartuz.

Atertu duenean, berriz ere martxan jarri gara tipi tapa Zumaiaraino iritsi arte. Hondartzara heldu bezain laister, gazteak denbora galdu gabe batzuk hondartzako ur gaziaz disfrutatzen ibili dira beste batzuk karramarroak harrapatzen ibili diren bitartean.

Arratsaldea hondartzan eman eta gero bueltatzeko ordua heldu zaigu, oraingoan, trena Eibarrera eta bertatik Arrasatera autobusa hartu dugu. Gazteei garraio publikoa erabiltzeko ohitura sustatu nahi izan diegu.

Gazteak egun osoan zehar ezagutzen joan dira beraien arteko harremana sendotuz eta bihar ere, bere horretan jarraituko dute espeleologia ekintza bateratua egingo dugulako.

Gaurkoan eguraldiak lagundu digula esan genezake!

Gaur, uztalak 7, San Fermin eguna, eguraldi goibelarekin hasi dugu eguna, ondorioz, gazte gutxi etorri da irteerara eta plana aldatzea erabaki dugu.

Gaurko plana Usakora txangoa egitea zen, bertan jolastu eta errekan bainatzera. Elkartu garenean giroa zein zen ikusita, Udalara joatea erabaki dugu eta pentsa bezain laister ekin diogu bideari. Segituan euria hasi da eta azkenean erdigunera jaitsi gara.

Bertan, bazkaldu eta denon artean aukeratutako pelikula bat ikusi dugu “Hansel eta Gretel” hain zuzen ere. Oso gustora egon gara guztiok!

Bihar, Kostaldera joango gara Zarautz-Zumaia ibilbidea egin eta hondartzako olatuez disfrutatzera.

Udaixe oraindik ez da amaitu, nahi izanez gero, izena emateko aukera dago, Txatxilipurdi edo Gazte Bulegoan, ANIMATU ZAITEZTE!!!

Gaur arratsaldean, Udaixek gogor jarraitu du eta oraingoan sorkuntzarako aukera izan dute herriko gazteek.

Arratsaldeko 17:00etan hasi da saioa, ariketa batzuekin hain zuzen ere, giroa berotuz poliki-poliki!!!

Ondoren, musika lasaia jarriz, bakoitzak sorkuntzarako mementua izan du, jolas librea izan da eta bakoitzak bere barneko artista azaleratzeko beta izan du.

Primeran pasa dute gaurkoan ere, argazkiek horrela erakusten dute.

Astebukaeran, atsedena egingo dugu eta astelehenean berriz ere indartsu ekingo diogu irteerari. Usakora joango gara errekaz gozatzera.

Oraindik, nahi izanez gero, gazteek izena emateko aukera dute, horretarako gazte bulegora edo txatxilipurdira joanez.

ANIMATU ETA PARTE HARTU!!!