Gaztetxokoak

Aurreko astean martxan jarritako maskara tailerrari jarraipena emanaz ekin zioten batzuk ostiral arratsaldeari. Gainontzekoak, irratia muntatu eta Enkoreko taldeko abeslariari egingo beharreko elkarrizketa prestatzen aritu ziren.

Gazteek horrenbeste espero zuten unea iritsi zen larunbat arratsaldean; Enkore musika taldeko abeslaria etorri zen gurera. Jende mordoxka bat bertaratu zen kontzertua ikustera eta zuzeneko bikaina eskaini zuen. Ostean “Gazte Tentsioa” irrati programa berpiztu eta elkarrizketa egin zioten bi gaztek. Bukaeran argazki zein autografoetarako unea iritsi zen. Guzti honetaz gai, bi kamiseta eta disko bat oparitu zigun abeslariak. Hiru opari horiek hurrengo egunetan zozketatuko ditugu.

Igande arratsaldean Bat Irabazteko telebistako lehiaketa ezaguna simulatu genuen. Proba ezberdinen bitartez erdiguneko gazteen trebetasun maila ikusteko aukera izan genuen. Parte hartzaile mordoa egon zen eta gogor animatzen zuen publikoa izan zuten bidelagun.

Maskara tailerra egiteko proposamena bota zuten gazteek ostiralean. Hau horrela, txatxiliko biltegira joan, beharrezko materiala hartu eta maskarak egiten hasi ginen.

Musakolako jaien ondorioz, nagusien lokala hutsik egon da astebukaera osoan zehar.  Gauzak horrela, txikienek, hau da, LH6koek beraientzako guztiez ezaguna zen atzeko loka beraien gustura atondu zuten. Psikomotrizitate gela baten forma eman zioten eta korrika, saltoka zein txiribueltaka pasa zuten arratsalde guztia.

Hurrengo larunbatean ENKORE musika talde ezagunaren kontzertua dugunez, soinu ekipo guztia biltegitik atera eta eszenatokira eraman genuen. Bertan, ekipo guztia muntatu eta osagarri guztiak ongi aztertu genituen. Denak bikain funtzionatzen zuela ikustean, ENKORE taldearen abestiak proiektatu eta karaokea dibertigarria egin genuen.

Ikus dezakezuen bezala, hurrengo asteko kontzerturako motorrak berotzen hasiak gara jada!

Gazte guneko nerabe koadrila batek antolatuta etorriko da Erdigunera, Errekalde auzotik zuzenean, ENKORE rock gazte taldea. Larunbatean izango da kontzertua eta 17:30etan hasiko da. Haien musikaz gozatzeaz gain, elkarrizketatu ere egingo ditugu “Gazte tentsioa” irrati saioan!

Etorri, ederra izango da-eta!

Ostiralean Markuleteko garbigunea ezagutu genuen.  Bi aste dela desmuntatutako sofaren soberakinak “txatxifurgoan” sartu eta garbigunera abiatu ginen berauek bertan entregatzeko asmoz. Bertan dagoen langilearen laguntzaz, garbigunearen funtzionamendua ezagutu eta furgonetan eramandako hondakin guztiak birziklatu genituen. Furgoneta Grupo San Juaneko aparkalekura itzuli eta gaztetxera hurbildu ginen musakolako gazteekin batera, bertan dagoen rokodromoan eskalatzera.

Igandean hamaikatxo ekintza ezberdin burutu genituen. DBH 1ekoek ginkana oso dibertigarri bat prestatu zieten LH 6ko gazteei. DBH 2ko neskek sofak kanpora atera zituzten eta “Enkore” taldeak bi aste barru gazte gunean emango duen kontzertuaren inguruan hitz egiten aritu ginen. Horrez gain, hanka-paloekin oreka lantzen eta areto nagusiko eszenatoki gainean karaokea egiten ere ibili ginen.

Udalekuak poliki-poliki gerturatzen ari direnez, berauen inguruan luzez berba egin genuen hainbat koadrilekin.

Eta nola ez; betiko klasikoak aste-bukaera honetan ere oso presente: mahai jolasak, futbolina eta mahai tenisean topeeera ibili gara.

Aupa Gazte!

Zuretzat albiste on bat daukagu: aurten ere, uztailean, UDAIXEn esperientzia apartak bizitzeko aukera izango duzu! Ekainaren 29tik uztailaren 17ra bitartean, ekintza pila egiteko asmotan gaude.

Batzuk jada zehaztuta daude baina beste batzuk ostera, izena ematen dugun guztion artean erabakiko ditugu.

Animatzen zara parte hartzera?

Izena emateko azken eguna maiatzaren 29a da eta non eman ahal duzun izena? Txatxilipurdin, Arrasateko Gazte Bulegoan ala edozen Gazte txoko naiz Erdigunean. Bertan ere, informazio gehiago eman ahalko dizue beharrezkoa bazenu.

Sexualitatearen inguruan zenituzten zalantzei erantzuna emateko ordua iritsi da!

Erdiguneko Gazte gunean arratsaldeko 18:00etan bilduko gara denok. Montse Velaskok, Arrasateko Udal Sexologia zerbirbitzuko arduradunak, lagunduko digu “zalantzen kutxan” bildutako gaiei argia ematen.

Saio irekia da, parte hartu nahi duen edonontzat!

Zapatu arratsaldea oso berezia izan zen. Ginkana erraldoi baten bitartez, herriko gaztetxea ezagutzeko aukera izan genuen.  Froga  ezberdin mordoa egin genituen: rokodromoan eskalatu, sukaldean merienda prestatu, sorkuntza tailerrean graffitiak egin, baratza txukundu, logelako oheak egiten ikasi eta abar luuuuzeee bat! Laguntxo berri mordoa egin genituen gainera! Oso arratsalde dibertigarria, bai horixe!

Ostiralean, “Bidaien kronikak” egitasmoaren seigarren hitz ordua izan genuen. Horretarako, Ahetze Galarraga eta Iñaki Intxausti gonbidatu genituen geurera. Brasiletik itzuli berriak dira biak, eta bertan ikusi, ikasi zein bizi izandako esperientzia ezberdinak kontatu zizikiguten. Eskerrik asko bikote! oso gustura egon ginen zuen abenturatxoak entzuten.

Larunbat arratsaldea oso emankorra izan zen. Ongi etorri asanbladak egin genituen LH 6koekin. Elkar ezagutza jolasak, araudiaren errepasoa, lokalaren funtzionamendua eta beste hainbat kontu jorratu genituen beraiekin batera. Ostean, “Just Dance”ean aritu ginen. Egunarekin bukatzeko, Amaia Antzokian izango den “Break Dance” erakustaldirako sarreren zozketa egin genuen.

Igandea oso jendetsua izan zen, arratsalde osoan zehar 100 gazte inguru hurbildu ziren gurera.  DBH 3koak, “Rainbow” sexu askapenaren inguruko dokumentala, ikusi zuten atzeko lokalean. Areto nagusian geratu ginenok, argazki ginkana antolatu genuen. Egunarekin bukatzeko, gazteek ekarritako zibekin jolasten aritu ginen.

Udaberriaren ziklo naturalari jarraipena emanaz, gazte koadrila berriak loratu zaizkigu gaztegunean. Aste-bukaera honetan, LH 6koak hasi dira gurera etortzen; energia zein ilusioz beteriko 30 nerabe berri ezagutu ditugu, A ZE POZA!

Hondatuta dagoen sofa bat daukagu gaztegunean. Garbigunera eraman aurretik, berau goitik behera desmuntatzeko erabakia hartu genuen aste batzuk direla. Erreminta berezien laguntzaz, sofa desegiten aritu ginen ostiral arratsaldean. Bertatik ateratako materialak, beste gauza batzuk egiteko erabiliko ditugu, hau da, berrerabili egingo dira, adib: narrua, kartera zein poltsoak egiteko, goma-espuma panpinak egiteko eta abar.

Zapatuan, Montse Velasko sexologoa etorri zen gurera. DBH 1eko neskekin, hilerokoari buruz hitz egin eta honen inguruan dituzten zalantza zein kezkei erantzuna ematen saiatu zen. Ziklo natural eta magiko honekin bat egiten lagunduko zigun Montsek!

Musikodromoaren murala eginaz, eman genion hasiera igande arratsaldeari. Hau bukatu genuenean,  Wii dance-a muntatu eta dantzaldi ederrak bota genituen.

Zapatu honetan, Erdigunean mahainguru pribilegiatu bat izango dugu.

Montse Velasko sexologoa etorriko da hilerokoaz hitz egitera eta honen inguruan izan ahal ditugun zalantzei, kezkei forma emanten saiatuko gara. Ziklo natural eta magiko honekin bat egiten lagunduko digu Montsek!

12-17 urte bitarteko neskei zuzenduta dago tertulia eta gainera, jaki goxoak ez dira faltako!

Animatzen? Arratsaldeko 18:00etan hasiko gara!