Jadanik itxi dira gazte lekuak eta honekin batera Udaixe hasi da. Gazte lekuetako azken asteburuan, San Juanetarako kamisetak egin genituen. Talde desberdinek kuadrilako kamisetak egiteko aukera izan zuten. Kamiseta txuriak ekarri zituzten gazteek eta arroparako margoak erabiliz kamiseta desberdinak sortu genituen. Bestetik, domekan azken agur gisa Eskoriatzako Jasan taldearen kontzertua izan genuen. Oso giro ona egon zen eta oso gustura bukatu genuen ikasturtea.
Baina uztailerako aukera badaukagu, Udaixe hasi baita! Ekainaren 27an, astelehena, eman genion hasiera eta Urkulura joan ginen jolas desberdinak egin eta bertan afari meriendatxoa egitera. Oso ondo pasatu genuen eta elkar ezagutzeko aukera izan genuen. Oraindik ekintza ugari ditugu aurretik eta ederto pasako dugu!!
