Arrasateko Gaztetxokoetako egitarau berezia da UDAIXE; Arrasateko nerabeek uztailean ere aisiaz gozatzeko aukera izan dezatela nahi dugu!
Aurten, ekainaren 27an hasiko da eta uztailaren 15era arte ekintza mordoxka egingo ditugu … hona hemen “Udaixe 2016”ren nondik norakoak:
Bi bloke izango ditu:
- “6ak BAIETZ” egitasmoa: ekainaren 27tik (astelehena) uztailaren 8ra (ostirala).
6 ekintza burutuko ditugu. Horietatik bi zehaztuta ditugu: espeleologia Opakuan eta paintball Lasturren.
Gainontzeko ekintzak iaz bezala, prozesu parte –hartzaile baten bitartez erabakiko ditugu. “6ak BAIETZ” egitasmoaren parte izan nahi duen orok hitza izan dezan eta denon gustu eta interesei erantzuten dion programa diseinatu ahal izateko.
Izen ematea gaur irekiko da eta ekainaren 3a arte aukera egongo da apuntatzeko. Ekainaren 3an, izena eman duten guztiokin afari merienda bat egingo dugu Erdiguneko Gazte Gunean eta bertan, asanblada bitartez, proposamenak jaso eta aztertu egingo ditugu egitasmoa pixkanaka denon artean osatzen joateko.
Bloke honetan izena emateko 30€ ordaindu beharko dira.
- “GAZTE EXTREM” egitasmoa: uztailaren 12tik 15ra 4egun eta 3 gau abenturaz beteta pasako ditugu Leixargaraten, non talde lana eta estrategia ezinbestekoak izango diren egunez-egun aurrera egiteko.
Plaza mugatuak daude egitasmo honetan.
Bloke honetan izena emateko 20€ ordaindu beharko dira.
Bloke bietan nahiz solteetan eman daiteke izena, eta esan bezala, ekainaren 3a arte egongo da irekita.
Izena, Gaztetxoko naiz Erdiguneko Gazte Gunean, Arrasateko Gazte Bulegoan edota Txatxilipurdi Elkartean eman daiteke. Esku orria beteta eraman beharko da matrikulako diruarekin batera.
Animatu eta parte hartu!!! saltsa ederrean ibiliko gara eta!!!
