Asteburu honetan kexaz irakurri dut hainbat lagun Bizkaiko bertsolari txapelketaz ez zihardutelako Euskal Herri mailako hedabideek. Kontrakoa ere gertatzen da ba… Aurreko asteburuan Bilbo desagertu bazen, gaur Bilbok desagerrarazi ditu gainontzekoak. Ondo dago Santo Tomas feria astelehenera pasatu izana eta komertzioen eskaerari men egin izana, eta Bilbo dela benetako ziutatea gurean, eta… baina Bilboz harantzago ere badago ba jairik… Badago mundurik. Bueno, bilbotarrendako ez dakit, baina beharko luke Euskal Herriko hedabideendako, edo? Gaur lanera etorri naizen herri honetan, esaterako, Santamas da. Jaigiro aparta, urteak eta urteak ospatzen dabiltzana (650 urtetik gora bai) eta komunikazioan ahalegin handia egin duen taldea dago atzetik, kartelak komisiokoek beraiek pegatzerainokoa, pentsa. Webgunea ere badute, santamas.com eta baita eskuko telefonoetarako aplikazioa ere Androiderako. Jaiok jarraipena izango dute, noski, tokian tokiko hedabideetan. Bilbokoak Uriolan eta Arrasatekoak Goienan. Tokian tokiko ez den hedabideren batek Arrasatekoei jarraipena egingo diola badut esperantza, baina Bilborekin itsutuko direnak ez dira gutxi izango. hain da handia Bilbo, eta hain txiki hiriburuez haraindikoa… Eskerrak txikia baden gozagai. Gertuko komunikabideetan jarraipena Bilbokoari eta Arrasatekoari: – http://uriola.eus/bilbo/1418905852053 – http://goiena.eus/arrasate/1419236474731
Zabaldu berri Santamas feria Arrasaten.
