Etiketaren artxiboa: jaizkibel

Jaizkibel Konpainia desfilatzen

-n -kargitaratuta
Erantzun

DSC_9324

Inolako arazorik gabe desfilatu du Jaizkibel Konpainiak. Urterik urte ikus daiteke jende gehiago txalotzen kaleetan. Ibilbidean beste konpainia batzuekin egin dute bat Alamedara ailegatu arte. Ez da ezer gertatu, Alardeko beste konpainia bat bailitzan joan da, normaltasun osoz.

DSC_9405

Kale Nagusian euritako beltzak eta pankarta zuriak egon arren, gero eta gutxiago dira istiluak sortzen ibiltzen direnak.“Ez gara zuek ikustera etorri”. Baina euritako beltzen tartetik buruak atera eta Jaizkibelekoak pasatzean, bat baino gehiago zegoen begira!

Jaizkibel Konpainia goizez desfilatzen

-n -kargitaratuta
1
Laida-Anabel-Ramon-Naiara

Goizean goiz esnatu izan gara beti Alardea ikusteko. Umetan gure aita zenarekin Guadalupera meza entzutera, bidean kainabera moztu eta… aldapan gora. Bueltan, Errandonean ardo goxoa edan, eta etxera itzultzen ginen konpainiaren batekin. Gosaldu eta kale Nagusira, Apezpikuaren plazan bizi ginen eta.  Laida ere ume-umetatik esnatu izan dut goiz,  konpainiak nola joaten ziren kantineraren bila ikus zezan. Aurten, inoiz baino goizago jeiki behar izan dugu, kantinera etxean baikenuen. Goizeko 07:20an etorri ziren kantineraren bila: kapitaina, Anabel Salinas, tenienteak, Maite San Miguel eta Ramón Murua, eta sargentoak Naiara Salinas eta Ramón Ribera.

Jaizkibel konpainia

Lore-sorta zoragarria eman zioten; ondoren balkoira irten zen konpainiari agur egitera. Une horretatik aurrera hasi zen Jaizkibel konpainiarentzat Alardea.

Jaizkibel konpainia

Jaizkibel Konpainiaren lehenengo entsaioa

-n -kargitaratuta
Erantzun
Jaizkibel konpainia_3384
Entsaioak egiten dira kantinerak ikas dezan ibiltzen musikaren erritmoan, baita botekin ere, bereziak baitira.
Alardea desfile militar baten imitazioa denez, konpainiako karguak ere militarrak dira: kapitaina, sargentoak…
Kantineraren ondoan sargento bi joaten dira; argazki honetan, ezker aldean Naiara Salinas doa, txikitako laguna. Duela urte batzuk, 2005ean, plastiko beltzak jarri zituzten lehenengo urtean, bera izan zen kantinera, eta Laida sargento atera zen bere ondoan. Eskumako aldean, Iraitz Txapartegi, “ahizpa txikia”, entsaio guztietan aterako da sargento karguarekin, alarde egunean konpainiari txalotzen egongo baita kale Nagusian, euritako beltzen aurrean, beldurrik gabe.

Alardea Jaizkibel Konpainia

-n -kargitaratuta
1

Jaizkibel konpainia

Konpainia dotorea, alaia eta adorez beterik! Ez dakit zenbat ziren zehazki, baina asko ziren, eta gero eta gehiago izango dira.
Kale Nagusian gora zihoazela arratsaldean, petardoak jaurti zituzten konpainiakoen oinetara. Ertzain batek botarekin baztertu zituen.
Ostikoak ere ez ziren falta izan.

petardoak

Goizean, arratsaldean baino euritako beltz gehiago ikusi nuen, eta euritako asko modu erasotzailean jarrita, euritakoen burdinezko puntta zorrotzak jendearen kontra. Ertzainak ere konturatu ziren horretaz eta ikusi nituen euritakoak bultzatzen barrurago eta kargu hartzen. Eta zerbait gertatu izan balitz?

Jaizkibel konpainia

Euritako beltzak

-n -kargitaratuta
1

euritakoak-paraguas

Jaizkibel konpainia Alamedara iristen denerako, bertan daude argazkilariak, TB kamarak, kazetariak… Urteak joan eta urteak etorri eta beti pertsona berberak; azkenean, bada, elkarri agur egiten diogu.

–Kaixo! Zelan dago kale Nagusia? –galdetu diet.
–Euritako beltzak egongo direla esan digute.
–Hara, bada! Mary Poppins dugu aurton.
–Mary Poppins? Pertsonaia atsegina zen hura, hauek, aldiz, asmo txarrez beteta daude, labezomorroak bezain beltzak dira –erantzun dit argazkilari batek–.

Halaxe da, bai. Mary Poppins-ek ez zuen bere burua euritakoaren atzean izkutatzen; Mary Poppins-i alaitasuna zerion, abestu egiten zuen, hegan egiten zuen euritakoa zabal-zabalik zeukala. Beste hauek, ostera, oihuka eta txistuka aritzen dira, oraindik ere, Jaizkibel konpainia desfilatzen duenean. Hauek izkutatu egiten dira euritako beltzen atzean, kikildu egiten dira, lurrean eserita daude, goizaldeko hiruretatik lekua hartzen, beste inor aurrean jar ez dadin. Eta beste batzuek bizkarra ematen dute.

Txinatar dendariak poz-pozik izango dira!

euritakoak-paraguas