CM estudioa

Estudio hau udalak eskatu zuen pintoreek erabil dezaten erakusketak egiteko; momentu honetan hemen gaudenok, taldea osatzen dugunok, denak, emakumeak gara. Barruko aldea, pintore gazte batek, Aiertek, erabiltzen du estudio bezala.
Baldintza da jendearentzat zabalik egotea; udaran eta Aste Santuetan egunero, astelehenetan izan ezik, eta urtean zehar asteburuetan.

Faltan somatzen dugu komertzioa, artisau mota guztiak eta kultura gehiago. Turismo bulegoan Alde Zaharraren gainean ematen duten informazioa oso eskasa da, ez dago behar bezala adierazita, ez eta herrian zer ikus daitekeen, zer egin daitekeen…, apenas dago informaziorik; kultur eskaintza ere gutxi dago. Artisau gehiago izanez gero hemen, ideia ona litzakete ibilaldia antolatzea artisauak lanean ikusteko estudioetan,  beste herri batzuetan egiten duten bezala.

Eta kafetegiak direla eta… 11:30ean ireki du lehendabizikoak, Paradoreak; besteak, denak itxita.
Turismorako erakargarri bezala saltzen dute hau, baina oso hila dago. Jendea ikusten da hemen mezatatik irteten denean.

Aiert

“Stabat mater dolorosa
Juxta crucem lacrymossa,
Dum pendebat filius.”     (Dvôrak, Stabat Mater)4

Estudiora sartu, eta hau da entzun dudana. Lanean diharduen bitartean, musika klasikoa jartzen du Aiertek. Udalak pintoreei lagatako estudio honetan egiten du lan.
Puntuz puntu osatutako irudiak pintatzen ditu. Asuango presa egiteko, tenplua desmuntatu, beste leku batera eraman, eta, han, harriz harri berregin zuten. Hori da erabili duen adibidea niri azaltzeko  nola egiten dituen koadroak.