Urriaren lehenengo ostiralarekin batera Maritxu Kajoi iristen da urtero, eta Maritxurekin batera argazki-ehiztari uholde handia ibiltzen da Arrasaten kalez kale. Urtetik urtera, gainera, uholde hori handiagoa da. Ehiztori horietakoa naiz ni neu ere. Hona hemen, bada, aspaldiko urteotan moduan nire argazki zaparrada, Maritxu Kajoi eguneko txikitero dotoreei ateratako argazkiena.
Urtea amaitu aurretik, hemen duzu argazki sortatxo bat, maritxu kajoi egunean ateratako argazkiekin osatutakoa. Bi neska, Yolanda eta Amanda, ageri dira Arrasateko Etxoste tabernan ateratako argazkiotan. Urtea ondo amaitu eta urte berri on!
Aspaldi honetako santamas egunik jendetsuena izan da aurtengoa, eguraldiak eta larunbatean egokitu izanak lagunduta. Hemen duzu aurten santamas egunean egindako argazki sorta.
Arrasateko Udalaxpe txistulari elkarteak antolatutako Leintz bailarako III. Txistulari Eguna izan zen joan den urriaren 27an. Eguraldi eskasari aurre egin, eta 60 bat txistulari elkartu ziren goizean goizetik kalejira, hamaiketakoa eta kontzertua egiteko. Ordubeteko saioa egin zuten Arrasateko Herriko plazan. Eskoriatza, Aretxabaleta, Leintz-Gatzaga, Antzuola, Oñati eta Soraluzeko txistulariak batu ziren Arrasatekoekin batera Txistulari Eguna ospatzeko. […]
Gure bailaran gero eta mahasti gehiago dago. Duela gutxi arte, Araba edo Nafarroa aldera joan beharra zegoen mahastiak ikusteko edo, bestela, kosta aldera, Getaria aldera. Aspaldi honetan, ordea, baserritar askok landatu dituzte mahastiak Debagoienean. Arrasaten, Oñatin eta Bergaran, esatebaterako, nahiako errotuta dago txakolina egiteko ohitura. Dagoeneko bailarako ia herri guztietan daude mahastiak. Leintz-Gatzagan ere bada […]
Udazkenean garela eta, hemen dituzu azaroan egindako argazki koloretsu batzuk.
Pintadak eta graffitiak omen dira Arrasatera etortzen diren pertsonei atentzioa gehien ematen dietenetakoak gure kaleetan pasieran dabiltzanean. Izan ere, mota guztietako informazioa, aldarrikapenak eta salaketak ikusi daitezke. Batzuk, graffiti artistiko moduan sailkatu daitezke. Beste batzuk, berriz, aldarrikapen sozial, ekologiko, politiko edo presoen aldekoak dira. Badira euskararen aldekoak ere. Baten batzuk, azkenik, zail dira izendatzen. Hemen […]
Aurten ere sekulako eguraldia zegoela eta, ezin etxean geratu Maritxu Kajoi egunean. Aurreko urteetan baino jende gehiago edo gutxiago ibili den alde batera utzita, Arrasateko kaleak jendez gainezka egon ziren eguerditik aurrera. Dotore asko jantzita, gainera. Hemen duzu aurtengo Maritxu Kajoi egunean ateratako argazkien bilduma, bai eta aurreko urteetakoak ere: 2009, 2010 eta 2011.
Joan den larunbatean Governors taldeak Arrasaten jo zuen, Mery May abeslariarekin batera, Kajoi tabernaren 25. urteurrena dela eta. Hemen dituzu Governosek emandako kontzertuko argazkiak. Eta hemen, berriz, Mery May abeslariarenak.
Aurreko batean esan bezala bizirik dirau auzolanak Leintz-Gatzagan. Izan ere, herriko hainbat itxitura eta hesi berritzeari ekin diote, auzolanean ekin ere. Hori dela eta, duela aste batzuk esolak prestatu zituzten eta orain hesiak berritzen hasiak dira. Orain dela 25 urte auzolanean egindako hesia berritzen ageri dira gatzagarrak, Okondoko baserri ondoan ateratako argazkiotan.