Oñatin hasi zen lehenengo Korrika 1980ko azaroan, eta 45 urte pasatu dira geroztik. Hori dela eta, ekitaldi bat antolatu du AEK-k ‘Ez gero, orain baizik’ leloarekin, Oñatin Korrikak lehen metroak egin zituen leku berean.
Ekitaldi horretan Korrikaren sortzaileak omendu ditu AEKk , baita helduen euskalduntzea eta alfabetatzea lehenesteko eskatu ere administrazioei. Are gehiago, euskalgintza aspalditxoan zabaltzen ari den mezu bat errepikatu du: euskararen etorkizuna jokoan dago, eta beste pizkunde baterako garaia da, ezin da ezer geroko utzi. Orain da garaia. Eta nabarmendu du helduen euskalduntzea eta alfabetatzea funtsezkoa dela euskararen pizkundean.
Hemen diuzu Korrikaren 45. urteurrenaren ekitaldian egindako argazki-sorta bat.
atauri
Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.
