Aspaldi honetan egindako mendi ibilaldi gehienetan elurra aurkitu dugu. Eta, bestela, lokatza, lokatz ugari. Joan den astean, ordea, elur motaren bat edo beste bazegoen ere, lore mordoa ikusi genuen, halako lorategi natural baten moduan.
Lehenego begiratuan nartzisoak iruditu zitzaizkidan. Jose Angel Urkia araoztarrak esan zidan euskaraz lilipa esaten zaiela lore horiei; eta bere amarentzat “san jose lorak” direla, nahiz eta beste batzuek primula veris loreari eman izen hori. Edonola ere, oso lore polita da.
Oraintxe duzu aukera lilipak ikusteko gure mendietan.
atauri
Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.
