Arrasate mendiz inguraturik dago. Alde guztietatik, gainera. Horixe da, hain zuzen ere, gurera bisitan datorrenari lehenengo-lehenengotik atentzioa ematen dioten gauzetariko bat. Izan ere, orografiaren malkarrak indar handia ematen dio Arrasateri, nortasun berezia. Arrasate inguratzen duten mendietan, ordea, bada bat besteen gainetik nabermentzen dena: Udalatx.
Arrasateko paisaiaren osagarri garrantzitsua da Udalatx, beti begi bistan dagoen mendia. Horregatik, argazki kamara hartu, erretraoak atera eta etxera bueltatzean, egindako argazkiak ikustatzean, hara non ia beti agertzen den Udalatx. Aurrez aurre ez bada, albotik. Argazkiaren alde baten edo bestean. Zaila gertatu ohi da Arrasateri erretratoak egitea, Udalatx agertu gabe.
Hemen duzu Arrasateko argazki sorta txiki bat, Udalatx protagonista duena.
Hurrengo bilduma: Arrasate, pintoreen begiradapean
Aurreko argazki bildumak:
Arrasateko ikuspegiak
Musakola
Bedoña
San Andres
Graffitiak
Maritxu Kajoi (2009-2012)
Maritxu Kajoi 2013
Uribarri
atauri
Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.
