Musikak ezusteko ederrak gorde ohi ditu. Orain dela 10 bat urte, Mutsumiri esker, beste askotan legez, L’arc-en-ciel japoniar rock taldea ezagutu nuen. Soinu berezia zeukan, batzuetan poperoagoa, beste batzuetan oldarkorragoa, eta are dantzagarriagoa zenbaitetan. Ahotsa ez zen entzun ohi nituen erregistroetan mugitzen, baina gustatu egin zitzaidan.
Hainbeste urte pasa ondoren, talde hura berreskuratzea erabaki nuen lehengo egunean (mila esker berriro ere, aMule maitea), eta diskografia osoa jaisteari ekin. Orduan taldeaz zerbait irakurtzen hasi, eta 1991tik etenbarik jardun duela jakiteaz gain, taldekideen zereginak aldatuta talde paraleloa, alter egoa, hortik ageri den legez, daukatela jakin nuen: P’unk-en-ciel. Hori bai sorpresa! Euren kanten bertsioak estilo punkagoan jotzen dituzte, zuzenekoak egiten dituzte, baina bertsio horiek gehienetan B-side delakoak izaten dira.
Hortik apur bat miatu, eta irakurri nuen legez, hortxe topatu ditut, batek pirata partxea begian (zerbait oso ezaguna ekarri dit gogora horrek…), besteak gas-maskara, eta kriston energia denon artean. Hemen dauzkazue bideo batzuk, haien artean nire gogokoenetakoa zen “Round and round”, baina P’unk-en-cielen bertsioan.
Hasteko, L’arc-en-ciel (animerako egindako kanta bat barne)…
… eta jarraian P’unk-en-ciel!
