Orain arte mundu zabaleko punk doinuak ipini dizkiot blogari. Gaur ez dut urrunera joko eta gure taldearen notekin alaituko dut astelehen eguerdi hau. Zertarako bilatu gehiago! Zoritxarrez, Punkaminekook ez dugu oraindik bideorik egin, dibertigarria litzatekeen arren, eta audioarekin konformatu beharko. Norbaitek du zerbait autopromozioaren aurka? Aurrera bada.
Hasteko, eta Libanokoak, nazioarteko pasibitatea lagun, laster konpontzeko itxurarik ez duenez, patrioterismo guztien aurkako gure ereserkia har ezazue. Banderen atzean zenbat negozio… Eta horregatik geuk ere esango dugu: Gora gerra!!
Baina mundua barre egiteko ere eginda dagoenez gero, gure nerabezaroaren bukaeran beste gerra ez hain serioak ezagutu genituen. Zapi gorriaren armadaren aurkakoa, besteak beste. Orain ETBk urteetan atzera egiten utzi digu, Dragoi Bola berriro ere pantailaratuz. Bihoa, hortaz, gure omenalditxoa Son Gokuri. Barruko umea ez dugu inoiz guztiz akatu behar… Izan ere, eta sinistu zein ez, Son Goku punka zen!!
Orain jarrai dezagun etxea txukuntzen gaur datorrenak dena bere lekuan eta garbi aurki dezan….
